د بێژن: خەمساریەکا مەزن کوردا د نڤێسینا مێژووا خوەدا کرینە، ئەرێ د دەمێ نوکەدا خەما دیروک و شینوارا د هێتە هەلگرتن؟ئەو شینوارێن ل هەرێمێ هەین تێرا داهاتەکێ مەزنە، بەلێ ئەو ژی هێشتا وەک خودانێت خوە مرییە.
گەلەک وەلات مینا مسر و تورکیا و یونان و ئوردن و گەلەک وەلاتێن دیتر داهاتەکێ هەرە باش ژ زیارەتکارێن شینواران ژبۆ وان د هێت، هەر وەسا ل هەرێما کوردستانێ ژی ژمارەیەکا زورا جهێن شینواری و دێرین هەنە کو مێژووا هندەک ژ وان جهان بۆ ب دەهان هزار سالان بەری زاینی دڤرن، دیسان هندەک ژ وان بینە جهێ مەندەهوشییا ڤەکلەرێن بیانی، کو لمدویڤ ژێدەرێن فەرمی ل کوردستانێ بتنێ پتر ژ ( 3500 ) شوێنەوار هەنە، ژمارەیەك ژ ڤان شینواران گرنگن بۆ گەشت و گوزاریێ، وەك (قەڵا هەولێرێ، خانزاد، دێرێ، دوین، سارتكە، چیایێ زاوا “هەلامیت”، پرا دەلال “زاخۆ”، ئاكرێ، ئامێدی، شێخان، خنس، رواندز، شێروانە، بەرزنجە)، و گەلەک جهێن دیتر ژی.
هەروەسا ژمارەیەكا پەیکەرێن نەخشەیی و کولای هەنە وەك: (قسقاپان، خنس، هەڵامەتان، هەریر، دەربەندی بێلولە، دەربەندی گاور، میرقولی). هەروەسا دگەل هەبینا ژمارەیەكا شکەفتێن دێرین وەك:
- شکەفتا (شانەدەر)، كە مرۆڤێ نیادرتال تێدا ژیایە و زێدەتر ژ (9) ئیسك و پەیكەر لێ هاتینە دیتن و مێژووا وێ بۆ (60) هزار ساڵان بەری زاینی ڤە دگەرت.
- شکەفتا (چوار ستوین)، كو پەرستگەهەکا ئاینێ زەردەشتیان بییە، هەروەسا چەند وێنەیەکێن کولایی ژی ل سەر هەنە.
- شكەفتێن (ئەرمشتێ) و (بەستون) و (هەودیان)، (چەمی ڕەزان) و (هەزارمێرد) و (زەرزی)، كو كەل و پەلێن شینواری یێن جهێ سەرسورمانێ ل پتریا ڤان جهان هاتینە دیتن.
مۆزەخانە ل باژێرێن: سلێمانی و هەولێر و دهۆكێ هەنە، تەنانەت ماموستا و دیروکناس و قوتابیێن بەشێ مێژووێ ژی سەرەدانا وان موزەخانا ناکن، و ب سەدان پارچەیێن شینواری تێدا هەنە و ژیانا كشتوكالی یا (10) هزار سالی یا بەری زاینی ل گوندێ (زویا چەمی) و (7) هزار سال بەری زاینی ل گوندێ (چەرمۆ) دەست پێ كریە.
Comments are closed, but trackbacks and pingbacks are open.