پەیڤا (( دار )) دناڤ گوتنێن مەزنان دا …

1- دار شرینە ب بەرێ خوە .
2- دار چەند بلند بیت هەر دێ بەلگێت وێ کەڤنە عەردی .
3- دار نینە بەلگا نەدەت .
4- دار ب خوزی یا چ جاران شین نابیت.
5- دارا بێ بەرە .
6- دارا خوزیا یا بێ بەرە.
7- دارا خوزیا کەس لبن نەروینشتیە خوار .
8- دارا بەرهەمدار دێ هەر بەر چنێ .
9- دارا هشک بەری ناگرت .
10- دارا هشک سیبەرێ ناکەت.
11- داروبار ژ بچویکاتی خوار دبن.
12- دارێ دبن خوەڕا نەبڕە.
13- دارێ ستویر نابیتە گوپال.
14-دارێت ئاڤی دێم نابن.
15- دارەک یا لسەرێ ملێ هەر ئێکی یا وی یا ددلی.
16- دارێ ئەدەبی یێ ژ بەحەشتێ هاتی.
17- دارا سیبەرێ لبنێ خوە نەکەت چ بهایێ خوە نینە .
18- دار ب سپێنا ژن ب پێنا .
19- دارا بلند ( با) لێدەت.
20- دارێ مروڤ بکەتە خوەڕا کەس نەشێن ژمروڤی دەربێخیت .
21- دارا خوخێ نەچ دارە ژنا ب مێر نەچ یارە .
22- دار ب داری دهێتە بڕین .
23 دارا شین یا ب خەملینە .
24- دار ب تەڕی دچەمیێت.
25- دارکێن گزرێ بهێلە بوو سارگێت نیسانێ.
26- دارا نزارا گوتە دارا بەروژا ئەم عەدماندین. گوتێ دەستک ژ مەیە.
27- دارێ بتنێ حوکمێ ژنێ.
28- دار چاوا رابیت سیبەرا وێژی دێ وەسابیت .
29- دارا هشک بازی لسەر نانیشیێن.
30- دارا ب زراڤی نەهێنە چەماندن هەکەر ستویر بوو ناهێنە چەماندن .
31- دارا سپیندارێ یە نە سیبەرێ ل خوە دکەت نە ل هەڤالێ خوە .
32- دارێ دقورمی ڕا نەبڕە .
33- دار بێ چکل نابیت .
34- داری هەلگرە صەیێ دزی دیارە .
35- دارا بێ ڕه‍ یا بێ بەلگە .
36- دارب کەوێ نەکەفت کەو ب دارێ کەفت .
37- دارا خڕش بو بڕینێ یا باشە .
38- دارا بتنێ وەکی مێرێ لبەر حوکمێ ژنێ .
39- دار نینە گوپالی نەدەت.
40- دارێ دسەر خوەڕا نەبڕە …

ئامادەکرن / سەلاح روژبەیانی