كۆشتنا ئافرەتان ب بهانەیا نامویسێ بهانەیە
دلڤین شەمال
رۆژانە ل هند دەنگوباسێن راگەهاندنێ دا دبینن كۆ ئافرەتەك بۆیە قوربانیا ئاخفتنەكا جڤاكی یان ب بهانەیا نامویسێ هاتیە كوشتن كۆ د ئێك دەمدا كۆشتنا ئافرەتێ ب بهانەیا ناموسێ بهانەیە و زێدەتر نە ، كوشتنا ئافرەتێ و خۆ كوشتنێ ئەگەر هەنە كو پرانیا وان ژی لبەر ئاخفتنا جڤاكیە هند جارا خێزان كچا خوە دبورن بەرامبەر وێ شاشیا دكەت بەلێ بەرامبەر دا ژبەر ئاخفتنا خەلكی نەچار دبن پەنابێ بۆ كوشتنا ئافرەتێ دبەن و كۆ ئەڤە نابیتە چارەسەری بۆ چۆ ئاریشەكێ بەلكۆ ئاریشا زێدەتر دكەت و ترسێ پتر بەڵاڤ دكەت دناڤ جڤاكی دا ، هەردەما بۆ چارەكرنا ئاریشەكا جڤاكی پەنا هاتبیت برنێ بۆ چارەكرنا عەشایری ئافرەتێ قوربانی دایە ژبەر سیستەمێ زەڵام سالاری یان هاتیەكوشتن یان هاتیە بێ بەهر كر ل ژیانەكا نورمال، لەورا باشتره خێزان پتر د ژیانێ بگەهن بەرامبەر ئافرەتێ و هەر ئافرەتەكا بهێتە كوشتن ب بهانەیا نامویسێ وەنینەو یا خراب نینە پێدڤیە پتر رێز ل هەست و سوزێن ئافرەتێ بهێتە گرتن و نەبیتە قوربانیا جڤاكی كۆ ب رەنگەكێ تەسك و دور ل بهایێن مرۆڤایەتیێ هزر دكەن و هەموو تشتا ب رەش دبینن ، یا پێدڤیە حکومەتا هەرێما کوردستانێ پتر گرنگی ب ڤێ دیاردێ بدەت ئەڤ کەسێن هەنێ بگەهنە سزایێ خو ، وەک ئەڤرۆ سەروکێ حکومەتا هەرێما کوردستانێ دلگرانیا خو ژ بوو ڤێ دیاردێ دا دیارکرن گوت :- هیچ شەرەفێک ل ژن کوشتنێ دا نییە و پێدڤیە دوماهی ب ڤێ دیاردا مەترسی دار بهێتە دان .
ئافرەتا كورد خودان چەندین تایبەت مەندیە كۆ ئافرەتێن كێم وەڵاتان دشێن ب وان حالا دا ب ژین كۆ مامۆستا وپێشمەرگەو دایك و …هتد ، لەورا توشی چەندین فشارا دبیت جهێ هاریكاری كرنا ئافرەتێ زیانێ دگەهینن نێ و ب بهانەیێن جودا دكوژن كو مخابن هەرتشتێ مە هاتیە گوهرین ل چەرخێ 21 ێ ب تنێ هزرا بەرتەكسا زەڵام سالاری نەبیت.
Comments are closed, but trackbacks and pingbacks are open.