ل ئێڤارییا ئه‌ڤرۆ حه‌فتى كانوونا ئێكێ یا 2022ێ مه‌سرور بارزانى سه‌رۆكێ حكومه‌تا هه‌رێما كوردستانێ، برێكا په‌یوه‌ندییه‌كا تله‌فۆنى دگه‌ل سه‌رۆكێ وه‌لاتێ ئیماراتێ شێخ محه‌مه‌د بن زاید ئالنه‌هیان ئاخڤت.
د ئه‌وێ په‌یوه‌ندییێدا دانوستاندن ل دۆر پێشڤه‌برنا په‌یوه‌ندییێن دوولایانه و پێشڤه‌برنا ئالوگۆرا بازرگانى و وه‌به‌رهێنانێ هاته كرن.
سه‌رۆكێ حكومه‌تێ سوپاسییا سه‌رۆكێ ئیماراتێ كر بۆ پشته‌ڤانى و هاریكارى و هه‌ماهه‌نگییا بهێز یا به‌رپرسێن ئیماراتێ بۆ سه‌رخستنا پرۆژه‌یێ هنارده‌كرنا به‌رهه‌مێن چاندنێ یێن هه‌رێما كوردستانێ ب تایبه‌تى هناران بۆ وه‌لاتێ ئیماراتێ و ژ وێرێ بۆ وه‌لاتێن كه‌نداڤى.
سه‌رۆكێ حكومه‌تێ دووپاتى ل هندێ كر كو هه‌رێما كوردستانێ دشێت ب هاریكارییا وه‌لاتێن ده‌ڤه‌رێ، رۆله‌كێ گرنگ د دابینكرنا ئاسایشا خوارنێدا بگێریت، ئاماژه ب هندێ ژى دا، كو هنارده‌كرنا هناران ده‌ستپێكا هنارده‌كرنا چه‌ندین به‌رهه‌مێن دى یێن هه‌رێما كوردستانێ یه ژ وان سێڤ، ترى و هنگڤین.
هه‌ردوو لا لسه‌ر بهێزكرنا په‌یوه‌ندییان د هه‌موو بواراندا دهه‌ڤرابوون.
Comments are closed, but trackbacks and pingbacks are open.