بەشار حەجی زەینەل بەرپرسێ فەرمانگەها ئاڤا قەزا ئامێدییێ بۆ ئاژانسا خانی دیارکر، چەندین پڕۆژێن ئاڤێ رەزامەندی ل سه‌ر هاتینەکرن ل سنۆرێ قەزا ئامێدیێ بوو سالا (2022) ل سه‌ر بۆدجا پارێزگەها دهوکێ د نوکە دا دبوارێ بجهئینانێدانە کو ئەو پڕۆژە ب کوژمێ (828٫818٫558) دینارانە بوو چەندین گوند و ناحیێن سەر ب فەرمانگەها ئاڤا قەزا ئامێدیبێ ڤە.
بەشار حەجی دیارکر، ئەو پرۆژە پێکدهێن ژ کرین و سەخبێریکرنا پوستەرێن (پەمپێن ئاڤێ) بۆ خەزانا ئاڤا ناحییا (شێلادزێ) ل پڕۆژێ ئاڤا ستراتیجی سەرب قەزا ئامێدییێ ڤە، دگەل گەهاندنا تورەکا ئاڤێ بۆ کۆمەڵگەها (سیرییێ) ل تاخێ (رییێ شین) سەرب ناحییا شێلا دزێ ڤە، هەروەسا درووستکرنا تورەکا ئاڤێ ل تاخێ (ئازادی و کورەژار) ل ناحییا (شێلادزێ) سەرب قەزا ناڤری ڤە ، هەروەسا پڕۆژێ درووستکرنا تورەکا ئاڤێ ل تاخێ (شێخ بهاء الدین – ریباری) دگەل درووستکرنا تورەکا ئاڤێ ل گوندێ (بێبادێ) سەرب قەزا ئامێدییێ ڤە، هەروەسا گەهاندنا هێلەکا ئاڤێ بۆ گوندێ (ئاشکێ دێرێ) سەرب قەزا ئامێدییێ ڤە.
هەروه‌سا پڕۆژێ درووستکرنا خەزانەکا ڤێ ل کۆمەڵگەها (بریفکا) ب قەبارێ (500)م3 سەرب ناحییا (کانی ماسێ) ڤە، دگه‌ل پڕۆژێ سەخبێریکرنا ئاڤا گوندێ (راڤینا) سەرب ناحییا ناڤبری ڤە ، هەروەسا پڕۆژێ کولانا بیرەکا ئاڤێ دگەل درووستکرنا خەزانەکا ئاڤێ ب قەبارێ (60)م3 بۆ گوندێ (کێستە) سەرب ناحییا کانی ماسێ ڤە، هەروەسا کرین و دابینکرنا پوستەرێن (پەمپێن ئاڤێ) بۆ پڕۆژێ سەرەکی یێ ناحییا (کانی ماسێ) دگەل گەهاندنا هێلا سەرەکی یا ئاڤێ بۆ خەزانا نوی یا ناحییا (کانی ماسێ) دگەل کولانا بیرەکا ئاڤێ بۆ گوندێ (دێرێ).
Comments are closed, but trackbacks and pingbacks are open.