ژ ئەگەرێ پیسبوونا هەوای، دەواما زانكۆ و قۆتابخانێن تەهرانا پایتەختێ ئیرانێ هاتە راگرتن.
دەروێش گۆل عەلیزادە، سەرپەرشتیارێ فەرمانگەها ژینگەها تەهرانێ راگەهاند، هەوایێ تەهرانێ بۆ كەسێن نەخۆش یێن سیستەمێ بەرگرییا وان یێ لاواز یێ مەترسیدارە. ئەگەرێ سەرەكی یێ پیسبوونا هەوای ژی ئەو ئامیرە نە یێن ب سۆتەمنییێ كاردكەن، ب تایبەت ئامرازێن هاتنوچوونێ.
دیار ژی كر، پیسییا هەوایێ تەهرانێ چار جاران ژ وێ رێژەیێ پترە یا رێكخراوا ساخلەمییا جیهانی ب ” رێژا مەترسیدار ” دیاركری.
ل دویڤ ئامارێن بەنكا جیهانی، ل سالا 2021ێ ژ ئەگەرێ پیسبوونا هەوای ل رۆژهەلات و ئیرانێ 41 هزار و 700 كەسان ژیانا خوە ژدەستدایە و ل سەر ئاستێ جیهانێ ژی سالانە 7 ملیۆن كەس ب ئەگەرێ پیسبوونا هەوای ژیانا خۆ ژ دەستددەن.
Comments are closed, but trackbacks and pingbacks are open.