ئه‌ڤرۆ سه‌رۆكوه‌زیرا ئیتالیا دێ گه‌هیته هه‌رێما كوردستانێ و ژ ئالیێ سه‌رۆكوه‌زیرێ هه‌رێمێ ڤه دێ پێشوازى لێ هێته‌كرن.
فه‌رمانگه‌ها میدیا و زانیارى یا حكومه‌تا هه‌رێما كوردستانێ راگه‌هاند، ئه‌ڤرۆ ئه‌ینیێ جۆرجیا میلۆنى، سه‌رۆكوه‌زیرا ئیتالیا دێ گه‌هیته هه‌رێما كوردستانێ و ژ ئالیێ مه‌سروور بارزانى، سه‌رۆكوه‌زیرێ هه‌رێمێ ڤه دێ هێته پێشوازیكرن.
سه‌ره‌دانا سه‌رۆكوه‌زیرا ئیتالیا پشتى وێ یه‌كێ هات كو ل 8ى ڤێ مه‌هێ نامه‌یه‌ك ئاراسته‌یى مه‌سروور بارزانى، سه‌رۆكوه‌زیرێ هه‌رێما كوردستانێ كر بوو و سۆز دا بوو سه‌ره‌دانا هه‌رێما كوردستانێ بكه‌ت.
د ناما خۆ دا میلۆنى ئاماژه ب دوماهى په‌یوندیێن دۆستانه یێن ئیتالیا و هه‌رێما كوردستانێ دا بوو و دیاركربوو، كو وان په‌یوه‌ندیان مێژووی یا دوور و درێژ هه‌یه و هه‌ر دو ئالى هه‌ڤپشكن د به‌رهنگاربوونا ئاسته‌نگێن همبه‌رى ئاسایش و ئارامیا ده‌ڤه‌رێ.
سه‌رۆكوه‌زیرا ئیتالیا دێ ل گه‌ل به‌رپرسێن هه‌رێمێ كۆمبیت و دێ سه‌را هێزێن ئیتالیا ده‌ت، ئه‌وێن د چارچۆڤێ هێزێن هه‌ڤپه‌یمانان دا ل دژى داعشێ شه‌ڕى دكه‌ن.
بلند بهجت
Comments are closed, but trackbacks and pingbacks are open.