ساخلەمیا ئیدارا زاخۆ ڕاگەهاند، بتنێ د ئەڤ سالەدا ل سنورێ وێ ئیدارێ ٦٣٤ کەسان ب سەدەمێن جودا ژیانا خۆ ژ دەستداینە ، هەر ل وی سنوری حەفت هزار و ٥٠٦ زارۆک هاتینە سەر دونیایێ.
ئەڤرۆ چارشەمبی، ئەمیر عەلی بەرپرسێ ڕاگەهاندنا رێڤەبەریا گشتی یا ساخلەمیا ئیدارا زاخۆ د کۆنفڕانسەکێ رۆژنامەڤانی دا ئامارا ساخلەمیێ ڕاگەهاند و دبێژیت، بتنێ ل سالا ٢٠٢٢ێ ل سنورێ ئیدارا زاخۆ ٦٣٤ کەسان ب سەدەما بوویەرێن جودا ژیانا خۆ ژ دەستداینە کو ٦٠ ژ وان حالەتێن جەلتا دلی و ٤٠ حالەتێن جەلتا مێشکی و ١٨ حالەتێن پەنجەشێرێ بووینە.
٥٣ حالەت ژی بوویەرێن جودا بووینە کو پێدهێن ژ خەندقین و سوتن و تا داویێ و سال دا ل سنورێ وێ ئیدارێ حەفت هزار و ٥٠٦ زارۆک هاتینە دونیایێ کو ژدایکبوونا پێنج هزار و ٤٠١ زارۆکان سروشتی بوویە و ژ دایکبوونا دوو هزار و ١٠٥ زارۆکان ب نەشتەرگرەیێ بوویە کو ژ وێ ژمارێ ژی چار هزار و ٣٩١ کچ بووینە و سێ هزار و ١١٥ کوڕ بووینە.
گوتژی، هەر دڤێ هەیامێ دا هزار و ٦٣٩ نەشتەرگەریێن مەزن دگەل دوو هزار و ١٩٩ نەشتەرگەریێن ناڤنجی و ١٩٤ نەشتەرگەریێن بچیک ل هەرسێ نەخۆشخانێن گشتی یێن وی باژێری هاتینە ئەنجامدان.
ئەمیر عەلی ئاماژە ب وێیەکێ ژیکر، هەر د ئەڤ سالەدا چار هزار و ٩٣٤ حالەتێن شیشتنا گولچیسکان ل نەخۆشخانەیێن وان هاتینە تۆمارکرن.
Comments are closed, but trackbacks and pingbacks are open.