سەرسال ئانکو …….. ؟

.
نڤیسین ، فوزی بهجت عبداللە
.
دەست پێکرنا هەر سالەکا نوی جیهان بگشتی ب ئاهەنگ و شەهیان و شرینی و تەقێن خوشیێ هتد… ب پێشوازیەکا گەرم ل ڤێ روژێ دکەن .
بەلێ من دڤێت تشتەکێ بو هەوە بێژم و هیڤیە باش هزرا خو تێدا بکەن …
گوهورینا ژمارا سالێ چ گوهرینێ د ژیانا مەدا ناکەت بتنێ ژمارە دهێتە گوهورین ، بەلکو گوهرین ئەوە یا تو دکەی بو پێشکەفتن و پێخستنا خۆ و گوهورینێ د رەفتار و ئەقل و ژیانا خودا بکەی بو باشتر ، ئەگەر هەمان رەفتار و ئەقلیەت هەبیت چ جێوازی هەیە ئەگەر چ سال بیتو ژیانا تە هەر ئەوبیت یا بەری نوکە ،
عەزیزێت من ، دگەل خو برینە خار و خەلەتی و کێماسی و رەفتار و گونەهـ و خالێن لاوازیا،تە بدانە دورماندوری خو و پێکولا بکە ل دەڤ خو نەهێلە و هزرا خو بکە کاتە چ کار و کریار کرینە د سالا بوری دا و ئەنجامێن وان چاوا بوون ، سالا بوری بلا دوماهیک سالا نەزانینێ و گەنەهێ و پاشکەفتنێ .
پروژەیەکێ جوان بخو بدانە و چەندین ئارمانج و هیڤیێن نووی بخو دەست نیشان بکە و د سالا نووی دا دەست پێ بکە و سالا نووی بیتە سالا گوهورینێ بو ژیانا تە و سالەکا نووی بو پێشکەفتن و زانینا تە نەکو سالا نوی ژی کوپیا سالا بوری بیت ،
ئەگەر تە چ هزر و پروژە نەبن گوهداریا من بکە .
ـ دەمەکێ بدانە بو خواندنا قورئانا پیروز و هەر وەسا شارەزابون د ئاینی دا .
ـ دەمەکێ بدانە بو فێربونا زمانەکێ دی .
ـ ژمارەکێ بدانە کو د ڤێ سالێ دا وێ ژمارا پەرتوکان بخوینێ .
ـ دەمەکێ بدانە بو وەرزشێ .
ـ ئەو کەسێن ڤالا د ژیانا تەدا خو ژێ دویربکە .
ـ پێکولا بکە خو شارەزا بکە د وی بوارێ تو حەژێدکەی .
ـ پێکولا بکە هندەک ئارمانجێن دویڤ شیانێن خو بدانە و کار بو بکە .
…..
دوماهیێ ژی دێ بێژم
ژیانا خو رێک بێخە و 365 دەلیڤێن زێرین یێ ل بەراهیا تە و وان دەلیڤا ژدەست نەدە و گورێ کارێن بێ مفا نەکە ….