عێراق، بڕیارا دەستەسەرکرنا 58 بەرپرسا دەرکریە
زێ بادینان
دەستەیا نەزاھەیا عیراقێ رادگەھینیت، د مەھەکێدا ٥٨ فەرمانێن دەستەسەرکرن و بانگھێشتکرنێ بۆ ٥٨ بەرپرسێن دناڤا دەستھەڵاتا جێبەجێکرن و یاسادانانێ دا دەرکرینە.
دەستەیا نەزاھەیا عیراقێ راگەھاندنەک بەڵاڤکر و تێدا راگەھاند: د مەھا ئادارا دەربازبووی دا فەرمانا دەستەسەرکرن و بانگھێشتکرنێ بۆ ٥٨ بەرپرسێن دناڤا دەستھەڵاتا جێبەجێکرن و یاسادانانێ دا دەرکرینە و گو دوو ژوان پەرلەمانتارێن نھا و بەرێ نە و وەزیرەکێ بەرێ و بریکارێ وەزارەتەکا بەرێ دناڤدا نە.
ھەر دناڤا وان بەرپرساندا، پارێزگارەکێ نھا و ئێکێ بەرێ و ھەروەسا ٢٥ رێڤەبەرێن گشتیێن نھا و بەرێ و دوو قایمقام و ٢٢ ئەندامێن جڤاتێن پارێزگەھان ھەنە، حەفت ژوان کەسێن فەرمانا دەستەسەرکرنێ بۆ دەرچوون بۆ دەرڤەیی وەڵاتی رەڤینە و کەسەک ژی پشتی ڤەکولین دگەلدا کری ھاتیە ئازادکرن و کەسەک ژی رەوانەی دادگەھێ کریە.
Comments are closed, but trackbacks and pingbacks are open.