چەندین جارا لدەمێ زارۆکینیێ ئەم دهاتینە تڕساندن کۆ نابیت بخوینین د کاودانێن تاڕی دا ئانکو دناڤ ژۆرێن ڕۆناهی تێدا لاواز یان لبەر چرایان ولایتێن بێ هێز چونکی دێ بیتە ئەگەرێ لاوازبوونا هێزا دیتنا چاڤان!
ڕاستە خواندن د ژینگەهێن کێم ڕۆناهی دا دبیتە ئەگەرێ پەیدابوونا گرفتێن جوراوجور بۆ چاڤان وەک کێمبوونا ڕێژا تروکاندنێ ئانکو چاڤ نوقاندنێ ودئەنجامدا هشکبوونا چاڤی، هەروەها چاڤ سوڕبوونێ وئێشانێ ووەستیانا چاڤا، لێ بخۆشحالیڤە ئەڤ کارتێکرنە بتنێ دبەروەختن ئانکو د(مؤقت)ن وپشتی کو ئەو مرۆڤ ڤی نەریتەی دهێلیت ئەڤ هەمی گۆهڕینە بۆ سەر سرۆشتێ خۆیێ بەرێ دزڤڕنەڤە.
پتریا تایبەتمەندێن چاڤان دوێ باوەرێ دا نە کو خواندن د تاڕیێ دا نابیتە ئەگەرێ تێکدانا هێزا دیتنا چاڤی ،وبتنێ هاتیە سەلماندن کۆ ئەوێن نەساخیا هشکبوونا ڕژیانا ڕوندکان هەی کو دبیژنێ(Sjogren’s syndrome) ئەگەر دتاڕیێدا بخوینن دبیتە ئەگەرێ تێکدانەکا کێم بۆ دیتنا چاڤێن وان بەلکو ئەڤەژی یا بەروەختە ودگەل بۆرینا دەمی نامینیتن.
لێ چەند ڤەکولینەکان دیارکریە کۆ گرێدانەک یا هەی دناڤبەرا زێدەخواندنێ ولاوازیا هێزا دیتنا چاڤان وبکارئینانا بەرچاڤکان، وچێدبیت ئەڤەبیت ئەگەرێ ڕاستەقینە ل پشت زێدەبوونا ژمارا وان مرۆڤێن لبەر لاوازیا دیتنێ دنالینن سەرەڕای زێدەبوونا بکارئینانا ئامێرێن ئەلکتڕونی (وەک موبایل وئایپاد ولاپتوپا).
ئەگەر ژلایێ لوجیکی ڤە هزرکەین؛ ڕۆژ لدیڤ رۆژێ ئامێرێن ڕۆناهیێ یێ زێدەتردبن ودونیا یا ڕوهنتردبیت نەک تاڕیتر، پا ئەڤجا بۆچی جاڤێن لاواز دزێدەبوونێ دایە؟!!
ژپەرتوکا #ب_هزرێن_ساخلەم_بژی یا د.عدنان ئاکرەیی @dr_adnan_aqrawi هاتیە وەرگرتن
Comments are closed, but trackbacks and pingbacks are open.