محەمەد شیاع سوودانی، سەرۆكوەزیر و فەرماندێ گشتی یێ هێزێن چەكدار یێن عیراقێ فەرمان ب وەزارەتا بەرگرییێ دایە رێژا ئافرەتان دناڤا سۆپای دا زێدەبكەت.
ل دویڤ زانیارییان، د نوكەدا رێژا ژنان د سازییێن سەربازی یێن عیراقێ دا نێزیكی 200 ژنایە و ناڤەندێن تایبەت ژی بۆ راهێنانێن وان دناڤا سۆپای دا نینن.
ل سالا 1977ێ، دامەزراندنا ژنان ب پلا ئەفسەر د سۆپایێ عیراقێ دا دەستپێكر، بەلێ ل سالا 1980ێ و دگەل دەستپێكرنا جەنگا عیراق – ئیران، پلەدان ب ژنان دناڤا سۆپای دا هاتە راگرتن و بتنێ وەك كارمەندێن سڤیل هاتنە دامەزراندن.
ل سالا 2005ێ جارەكا دی دەرگەهێ پەیوەندیكرنێ ب سۆپای بۆ ژنان هاتە ڤەكرن، بەلێ زۆربەیا وان ژبەر دابونەریتێن جڤاكی یەكەیێن سڤیل هەلبژارتن.
Comments are closed, but trackbacks and pingbacks are open.