▪ وەزارەتێ پەروەردێ،ئه‌و دێ پرتووكان د ژماره‌يه‌كا بواران دا بێبه‌رانبه‌ر بۆ نڤيسه‌ران چاپكه‌ن

وه‌زاره‌تا په‌روه‌ردێ يا حكومه‌تا هه‌رێما كوردستانێ راگه‌هاند: ئه‌و دێ پرتووكان د ژماره‌يه‌كا بواران دا بێبه‌رانبه‌ر بۆ نڤيسه‌ران چاپكه‌ن.
د راگه‌هاندنه‌كا وه‌زاره‌تێ ئه‌ڤرۆ دوشه‌مبيێ دا هاتيه‌؛ وه‌زاره‌تا په‌روه‌ردێ دێ بێبه‌رانبه‌ر پرتووكان د ژماره‌يه‌كا بواران دا ب تيراژا 500 دانه‌يان بۆ نڤيسه‌ران چاپكه‌ت.
تێدا هاتيه‌ ژى؛ دێ ته‌ماميا دانه‌يێن پرتووكێ ب نڤيسه‌رێ وێ هێنه‌ دان و ئه‌و ئازاده‌ كا دێ فرۆشيت يان كه‌ته‌ ديارى و هه‌مى مافێن چاپكرنێ بۆ نڤيسه‌رى دێ د پاراستى بن.
ل دۆر وان بوارێن كو پێدڤيه‌ پرتووك ب خۆڤه‌ بگريت دياركريه‌؛ بڕيار پرتووكێن خزمه‌تا هزرا نيشتيمانى و نه‌ته‌وه‌يى دكه‌ن، پرتووكێن خزمه‌تا زمانێ كوردى دكه‌ن، پرتووكێن خزمه‌تا بوارێ په‌روه‌رده‌يێ دكه‌ن، پرتووكێن خزمه‌تا پێكڤه‌ژيانێ ل كوردستانێ دكه‌ن و پرتووكێن خزمه‌تا بوارێ ژينگه‌هێ و ژينگه‌هپارێزيێ دكه‌ن، ب خۆڤه‌ دگريت.
راگه‌هاندنێ خۆيا ژى كريه‌؛ پێدڤيه‌ نڤيسه‌رێ پرتووكێ ژماره‌يا سپاردنێ ژ وه‌زاره‌تا ره‌وشه‌نبيرى يا حكومه‌تا هه‌رێما كوردستانێ وه‌رگرتبيت و پرتووك ب ئێك ژ ڤان قه‌باره‌يان هاتبيته‌ ديزاينكرن: (17 سم پانى/24 سم درێژى) يان (21 سم پانى/ 29 سم درێژى).
ئاشكرا ژى كريه؛ پشتى وه‌رگرتنا ژماره‌يا سپاردنێ و ديزاينكرنێ، نڤيسه‌ر دشێن به‌رهه‌مێن خۆ بۆ مامۆستا (جه‌بار جه‌مال غه‌ريب) راوێژكارێ وه‌زاره‌تا په‌روه‌رده‌يێ و سه‌رپه‌رشتێ ڤێ ده‌ستپێشخه‌ريێ ل سه‌ر ڤى ئيمه‌يلى بهنێریت:

parwarda@moe.gov.krd