▪ 143 پرۆژه‌ ل پارێزگه‌ها دهۆكێ هاتینه‌ بجهئینان

حكومه‌تا هه‌رێما كوردستانێ راگه‌هاند، ل سنوورێ پارێزگه‌ها دهۆكێ د سالا 2022دا، 143 پرۆژه‌ ب كۆژمێ نیزیكى چار ملیار دیناران بجهئیناینه‌.

حكومه‌تێ ئاماژه‌ ب هندێ ژى كر، لسه‌ر داهاتێ داموده‌زگه‌هێن وه‌زاره‌تا باژێرڤانی و گه‌شت و گوزار، ل سالا 2022 ل سنوورێ پارێزگه‌ها دهۆكێ 143 پرۆژێن خزمه‌تگوزارى ب كوژمێ 3 ملیار و 971 ملیۆن و 674 هزار دینارن ، ل سێكته‌رێن باژێرڤانیا وئاڤ و سولینان، گه‌شت و گوزار، نه‌خشه‌یێن ئاڤه‌دانیێ هاتینه‌ بجهئینان.

لدویڤ راگه‌هاندنێ، گوژمێ پرۆژان ب ڤى ره‌نگینه‌: سێكته‌رێ باژێرڤانیی،64 پرۆژه‌نه‌ ب كۆژمێ دوو ملیار و 712 ملیۆن و 68 هزار دیناران هاتیه‌ بجهئینان. ل سێكته‌رێ ئاڤ و سولینان، 77 پرۆژه‌ ب كۆژمێ ملیاره‌ك و 231ملیۆن و 656هزار دینار، و سێكته‌رێ نه‌خشه‌دانانا ئاڤه‌دانیێ، پرۆژه‌یه‌ك ب كۆژمێ 16 ملیۆن و 200 هزار دیناران بجهئینایه‌.