▪ گرنگی یا ژینگەهێ د نوکە دا…..

نادیا شعبان فندو:

هەر کەسەک ژ مە ئەگەر بۆ جارەکێ بیت ژی د ژیانێ دا هزر د پاشەروژا خودا کریە، و هەر دەم هەولدایە کارەکێ بکەت یان بەهرەیەکێ ل دەڤ خو زێدە بکەت ژ بۆ وێ چەندێ سوبەهیەکا (ڕۆژەکا نوی یا) باشتر هەبیت.
بەلێ تشتێ ژ هەمیێ گرنگتر ژ بۆ پاشەروژێ یا کو پێتڤی یە هەر تاکە کەسەک هزر ژ بۆ پێشکەڤتنا وێ بکەت، ئەو ژینگەهه ئەو سامانە ئەگەر هاتە ژ دەست دان نازڤریت و پەشیمانی چ مفایێ خو نابیتن. د نوکە دا ژینگەهـ د گەلەک باردوخێن سەخت دا دەرباز دبیت نە تنێ ل هەرێما کوردستانێ بەلکو ل سەرانسەری جیهانێ، ل وەلاتێن پێشکەفتی و ژ نوی پێشکەفن یا بوویە ئاریشەکا مەترسیدار و پرسا هەری گرنگ و ئازراندی. ب تایبەتی ل وەلاتێن نوی پێشدکەڤن وەک هەرێما کوردستان و عیراقی، ئاریشێن ژینگەهێ پتر پەیدا دبن و ڕێژا هوشداریێ لسەر ئاریشێن ژینگەهێ و گرنگی پێدانا وێ گەلەک کێمترە هەمبەر بابەتێن دی. و ئەڤە ژی ل دویف چەند لیکولینێن جیهانی دیاربوویە.
هوشداریا ژینگەهێ ئێک ژ وان کارێن سەرەکی و هەری گرنگە کو دڤێت کار لسەر بهێتەکرن د کومەلکەها مە دا، چونکی تنێ مە ئێک ئەرد یێ هەی بۆ ژیانێ، و ئەم ژی بەشەکین ژ ڤێ ژینگەهێ، ئەگەر ئەم ژ ینگەهێ پیناسەبکین، ژینگەهـ پێک دهێتن ژ هەر تشتەکێ ل دەوروبەرێت مە، تشتێن زیندی و نە زیندی و ئەم مروڤ ژی بەشەکن ژ ڤی ژینگەهێ، هەر وەسان هەمی ئەو تشتێن زیندی و نە زیندی و ئەو کارتێکرنا کار دکەن ل سەر ژیانا مرۆڤان ل سەر ئەردی، و ئەم بۆ هەموو پێتڤیێن خوە یێن ڕۆژانە پالپشتی دکەن لسەر ژینگەهێ، ژینگەهـ ژێدەرێ هەمی پێداوستیێن مروڤانە، و ئەڤ ژینگەها مە لسەر هەسارا ئەردی هەی یا جودایە ژ هەمی ژینگەهێن هەسارێن دی د گەردونی دا، چونکی هەمی ئەو پێداوستیێن بو مانا ژیانێ لسەر ئەردی.
ژینگەهـ رولەکێ گرنگ دگیریت د ساخلەمیا تشتین زیندنی و مانا ژیانێ ل سەر ئەردی. هەر وەسان ژینگەهـ مال و جورێن جودا ین زیندەوەرانن و ئەم هەمی پالپشتیێ دکەن لسەر ژینگەهێ بۆ پێداوستیێن خو یێن رۆژانە بۆ نمونە (خارن، ئاڤ ،هەوا، ئاخ، رووناهیا ڕۆژی و گەلەک پیداوستین دی یت بی وان ژیان ریفە ناچیت). ژ بەر ڤێ چەندێ ئەرکێ هەمی تاکە کەسانە ژینگەهێ پاریزن، و ب هوشیارانە سەردەریێ د گەل رەفتارێن خوە یێن ڕۆژانە بکەن، چونکی پتریا ئارێشین ژینگەهێ ئەگەرێ وان کارتیکرنا مروڤانە و ئەو سەردەریا د گەل ژینگەهێ دکەن.
هەر تاکە کەسەک دڤێت هەستی ژینگەهـ دوستیێ و بەرپرسیاریا ژینگەهێ ل نک بهێتە ئاڤکرن، چونکە هەر تاکە کەسەک دشێت گەلەک کارتیکرنێ ل ژینگەهێ بکەت و ل دەوروبەرێت خوە، هەر وەسان جیهانێ هەموی… د نوکە دا ژینگەهـ یا د زەنگان مەترسیێ لێدەت ،ئەرکێ هەموو تاکەکەسانە هوشیار ببن، و بەرپرسیارەتیێ ل هەمبەر ژینگەهێ راکن خەمباری ژینگەهێ ببن.