زانايێن زانكۆيا ويسكونسن ماديسۆن يا ئه‌مريكى نزيكى ڤه‌ديتنا چاره‌سه‌ريا كۆره‌بوونێ دبن.
مالپه‌رێ ساينس ئه‌لێرت به‌لاڤكريه؛ زانايێن زانكۆيا ويسكونسن ماديسۆن شيان خانه‌يێن چاڤان يێن هه‌ستيار بۆ رۆناهيێ يێن ل تاقيگه‌هێ هاتينه گه‌شه‌كرن بكاربينن و ئه‌و خانه‌يه شيان دوباره په‌يوه‌نديێ ل گه‌ل ئێكدو بكه‌ن.
زێده ژى كريه: ئه‌ڤ خانه‌يێن هه‌نێ يێن وه‌رگر بۆ رۆناهيێ پاشى ل گه‌ل خانه‌يێن دى بۆ پێكئينانا تۆرا چاڤان ئێكدگرن كو چينه‌كا ته‌نكه ژ شانه‌يان ل به‌شێ پشتێ يێ چاڤان كو به‌رپرسياره ژ گوهۆڕينا درێژيێن پێلان ژ بۆ سيگنالان و پاشى مه‌ژى وان وه‌ك ديتن شڕۆڤه دكه‌ت.
ئارمانجا لێكۆله‌ران چاندنا خانه‌يێن تۆرا چاڤان ژ ده‌رڤه‌ى له‌شى و پاشى بكارئينانا وان بۆ گوهۆڕينا شانه‌يێن مرى يان يێن ئه‌ركێن وان د چاڤان دا تێكچووين دا يه.
وى مالپه‌رى ديار ژى كريه؛ ئه‌ڤه گاڤه‌كا گرنگه ژ بۆ نشته‌رگه‌ريێن چاندنێ بۆ تووشبوويێن نه‌خۆشيێن جودا جودا يێن چاڤان.
دێڤيد گام لێكۆله‌رێ سه‌ره‌كى يێ لێكۆلينێ د ڤى ده‌رباره‌ى دا راگه‌هاند؛ ئه‌ڤه دويماهيك پارچه‌يه ژ نهێنيێ.
ديار ژى كر؛ مه ڤيايه خانه‌يان وه‌ك پێگوهۆڕ بۆ هه‌مان خانه‌يێن ژ به‌ر نه‌خۆشيێن تۆڕێن چاڤان ژناڤچووين، بكاربينين.
ئاماژه دا وێ چه‌ندێ ژى “گاڤا دويماهيێ د ئه‌نجامدانا لێكۆلينان ل سه‌ر مرۆڤان دا به‌رجه‌سته دبيت”.
Comments are closed, but trackbacks and pingbacks are open.