بەرپرسێ فەرمانگەها پەیوەندی یێن دەرڤه یێن هەرێما كوردستانێ ڕاگەهاند، ئاسایشا خوارنێ پرسا سەرەكییا هەرێما كوردستانێ بوو ل کۆڕبەندێ ئابووری یێ داڤۆس
کۆڕبەندێ ئابووری یێ داڤۆس ل 16 بۆ 20 ى کانوونا دووێ یا 2023 ێ، ل ژێر ناڤێ “هەماهەنگی د جیهانه‌كا پژاله دا” پشكدارییا زێده‌تر ژ 2 هزار و 500 سەرکردە و دپلۆمات و سەرمایەدار و چالاکڤانان برێڤە چوو، د وی كۆڕبەندی دا مەسرور بارزانی، سەرۆکێ حکومەتا هەرێما کوردستانێ ل گه‌ل شانده‌كێ، پشكدار بوون.
سەفین دزەیی بەرپرسێ فەرمانگەها پەیوەندی یێن دەرڤه یێن هەرێما كوردستانێ گۆت: پشكداربوونا سەرۆكێ جڤاتا وەزیران د وی كۆڕبەندی دا جهێ گرنگییا هەموو لایەكێ بوو، ب تایبەتی دڤێ ره‌وشێ دا ل ڕۆژهەڵاتا ناڤین و عێراقێ، هەرێما كوردستانێ شییایه ڕۆله‌كێ به‌رچاڤ هەبیت” ل سەردەمێ شەڕێ داعشێ دا ب هەموو شێوەكێ ڕۆلێ پێشمەرگەیی بلند هاتییه نرخاندن، بەلێ نوكه بیاڤێ ئاسایشا خوارنێ و ئه‌نه‌رجییێ ژ وان بابەتێن گرنگن، كو ل گەڵ هەرێما كوردستانێ دهێته به‌حس كرن.
ناڤهاتی گۆت ژی: ل سالا بوری كێمتر به‌حسێ بابەتێن ئاسایشا خوارنێ و ئه‌نه‌رجییێ دهاتنه كرن، بەلێ ڤێ جارێ به‌حسێ به‌رفره‌هكرنا وێ لێك تێگەهشتنێ هاته کرن، ب تایبەتی ل چەند هه‌یڤێن بوری پشكه‌كا بەرهەمێن خوارنێ یێن هەرێما كوردستانێ و بەرهه‌مێن جوتیاران هنارتنه چەندین وه‌لاتان.
Comments are closed, but trackbacks and pingbacks are open.