وه‌زاره‌تا نه‌فتا عیراقێ ڕاگەھاندیە، داھاتێ فروشتن و ھنارتنا نەفتێ ل مەھا کانوونا ئێکێ یا بووری، 7 ملیار و 708 ملیۆن دۆلارێن ئەمریکی بوون.
وه‌زاره‌تا نەفتا عیراقێ د ڕاگەھاندنەکێ دا دیار کریە، سەرجەمێ گشتی یێ ھنارتنا و داھاتێن نەفتێ ل مەھا بووری، کو ژ لایێ کۆمپانیا نەفتا عیراقێ ڤە ناسیارە ب سۆمۆ، قەبارێ 103 ملیۆن و 281 ھزار و 459 بەرمیلێن نەفتێ ھنارتینە و داھات ژی پێکھاتیە ژ 7 ملیار و 708 ملیۆن و 556 ھزار دۆلارێن ئەمریکی.
د ڕاگەھاندنێ دا ھاتیە، ئاستێ ھنارتنا نەفتێ ل مەھا بوور ل زەڤییێن نەفتێ یێن ناڤەڕاست و باشوورێ عیراقێ 100 ملیۆن و 735 ھزار و 151 بەرمیل بوون، ھەر وەسا ل زەڤییێن نەفتێ یێن کەرکووکێ ب ڕێکا بەندەرێ جیھان ژی 2 ملیۆن و 223 ھزار و 338 بەرمیل بوون و ھەر بەرمیلەک ژی ب 74 دۆلار و 636 سەنتان ھاتیە فروشتن.
Comments are closed, but trackbacks and pingbacks are open.