فراكسیۆنا پارتی ل په‌رله‌مانێ عێراقێ ئیدانا بڕیارا دادگه‌ها فیدرالی بۆ ب نه‌یاسایی ناساندنا بڕیارا هنارتنا شايستێن دارایی یێن هه‌رێما كوردستانێ كر و گۆت، ” بڕیارا دادگه‌ها فیدراڵی كاریگه‌رییا نه‌رێنی هه‌بوو ل سه‌ر وێ ره‌وشا ئه‌رێنی یاكو دناڤبه‌را حكومه‌تا عێراقێ و حكومه‌تا هه‌رێما كوردستانێ دروستبوویی”.
ئه‌ڤرۆ شه‌مبییێ، ڤیان سه‌بری، سه‌رۆكا فراكسیۆنا پارتی ل په‌رله‌مانێ عێراقێ د كۆنگره‌كێ رۆژنامه‌ڤانیدا ئیدانا بڕیارا دادگه‌ها فیدراڵی بۆ ب نه‌یاسایی ناساندنا بڕیارا هنارتنا شايستێن دارایی یێن هه‌رێما كوردستانێ كر و گۆت: ئه‌م وه‌كو فراكسیۆنا پارتی دیموكراتی كوردستان ل په‌رله‌مانێ عێراقێ ب تووندنا نیگه‌رانییا خۆ ده‌ردبڕین ل به‌رامبه‌ر بڕیارا دادگه‌ها فیدراڵی ده‌ر‌باره‌یی رێگریكرنێ ل هنارتنا شایستێن دارایی یێن هه‌رێما كوردستانێ، وێ بڕیارا دادگه‌ها فیدراڵی كاریگه‌رییا نه‌رێنی هه‌بوو ل سه‌ر وێ ره‌وشا ئه‌رێنی یاكو دناڤبه‌را حكومه‌تا عێراقێ و حكومه‌تا هه‌رێما كوردستانێ دا دروستبوویی و به‌رۆڤاژی وان بنه‌مایانه یێن كو لایانێن هه‌ڤپه‌یمانییا برێڤه‌برنا ده‌وڵه‌تێ ل سه‌ری رێككه‌فتین بۆ پێكئینانا حكومه‌تا عێراقێ”.
ناڤهاتییێ گۆت ژی: دڤێت لدووڤ وێ لێك تێگه‌یشتنا دناڤبه‌را لایه‌نێن سیاسی یێن عێراقێ و هه‌رێما كوردستانێ بۆ پێكئینانا حكومه‌تا نوو یا عێراقێ هه‌یه، یاسایا نه‌فت و غازا فیدرالی ده‌ربچیت و پرۆژه یاسایێ بودجێ سالا 2023 ێ یی عێراقێ بۆ په‌رله‌مانی بهێته ره‌وانه كرن و ب رێككه‌فتنا زۆرینه‌یا لایه‌نێن سیاسی ل په‌رله‌مانی بهێته په‌سه‌ند كرن”.
Comments are closed, but trackbacks and pingbacks are open.