خالد عەباس، ڕێڤەبەرێ ئۆفیسا دهۆك یا كومسیۆنا هەلبژارتنان یا سه‌رب حكومه‌تا فیدرال ڤه بۆ ئاژانسا خانی ڕاگەهاند، ئەڤرۆ رۆژا ئێكشەمبی كارمەندێن ئۆفیسا كومسیۆنا هەلبژارتنان دەست ب پشكنینا ئامیرێن ئەلكترۆنی یێن هەلبژارتنان كرن و دێ بۆ دەمێ هەیڤەكێ یا بەردەوام بیت.
خالد عەباس گۆت، ئەو كارمەنێدن ب ئەڤێ پرۆسێ هاتینە ڕاسپاردن پشكداری خۆلەكا دوو رۆژی ببوون لدۆر پێرابوونێن ئەنجامدانا كارێ پشكنینێن ئامیران كو نوكە ل پارێزگەها دهۆكێ شەش هزار ئامیرەیێن ئەلكترۆنی یێن هەلبژارتنان هەنە.
ڕێڤەبەرێ ئۆفیسا دهۆك یا كومسیۆنا هەلبژارتنان دیاركر، ئارمانج ژ پشكنینا ئامیرێن ئەلكترۆنی، هەر دەمێ رۆژا هەلبژارتنان بهێتە دەستنیشانكرن ئەم وەك كومسیۆن دا د ئامادەبین و ئەڤ پرۆسا پشكنینان ل هەمی پارێزگەهان دەسپێكرییە.
Comments are closed, but trackbacks and pingbacks are open.