ئه‌ڤرۆ حزبه‌كا نوى یا تركومانى دامه‌زراندنا خۆ ل هه‌ولێرێ راگه‌هاند و داخوازا دورستكرنا هێزه‌كا چه‌كدار یا تایبه‌ت ب تركومانانڤه كر.
پارتا مللى یا ئیراده‌یا تركومانى كو ئه‌ڤرۆ ل هه‌ولێرێ دامه‌زراندنا خۆ ئاشكراكر، د كۆنگره‌یێ خۆ یێ دامه‌زراندنێ دا راگه‌هاند، ئه‌و دژى كه‌سێ نینن و كه‌سێ ژ خۆ بێزار ناكه‌ن، لێ دخوازن وان ژى هێزه‌كا چه‌كدارى هه‌بیت.
وێ حزبا نوى یا تركومانان 4 جهێن كه‌ڤن یین هه‌ولێرێ (قه‌لات، مناره‌یا چولى، مه‌زارێ سولتان موزه‌فه‌ره‌دین و تاخێن تركومانشین وه‌كو سمبولین تركومانان بناڤكرن.
وێ حزبێ باس ل هێزه‌كا تایبه‌ت ب تركومانان ژى كر و دیاركر، تا نها هه‌بوونا تركومانان دناڤا وه‌زاره‌تا پێشمه‌رگه دا وه‌كو نه‌ته‌وه نینه، بۆچى تا نها تركومانان هێزه‌كا تایبه‌ت ب خۆڤه نینه؟. نابیت ل مال رونین و كورد مه بپارێزن، ئه‌ڤه نه‌دادپه‌روه‌رى یه
Comments are closed, but trackbacks and pingbacks are open.