سالح حەکیم
هەکە بهێین و بگشتی بەحس ل چاوانیا ئەرێنی و نەرێنیا تاکێ جڤاکی د ئاڤاکرنا خێزانێدا بکەین، تایبەتی ژی فۆکسێ بێخین سەر رەفتار و چاوانیا ئەرێنی و نەرێنیێن ژنان د ئاڤاکرنا خێزانێدا. پێنەڤێت ژن دکۆمەلگایێ مەدا پێگەهەکێ هێزێ یە بۆ فێرکرن و پەروەردا خێزان و جڤاکی هەموویێ، ژنێ دگەلەک بیاڤاندا کار بۆ پێشڤەبرنا جڤاکی کریە، پێنەڤێت ڕۆلێ ژنێ د ئاڤاکرنا ژین و ژیارا خێزانێدا رۆلەکێ مەزنە.
شیانێن ژنێ دناڤ كومەلگەھیدا گەلەكن و ئەگەر بتنێ رولێ وێ دناڤ خێزانێدا بەحس بكەین، گەلەك مەزنترە ژ رولێ زەلامی تایبەت د پەروەردەییا زارۆكاندا و دیسان د كاروبارێن ناڤ مالێدا، ئەگەر رێ ل بەر ژنان یا خوشكری بیت، دێ شێت ب جوانترین شێوە ڤان ھەردوو رولان گێریت یێن پەروەردەكرنا زارۆكان و دیسان رێڤەبرنا مالێ، ژبەركو زێدەتر كارێن زەلامی ژ دەرڤەی مالێنە.
ژن دشێت ب رەفتار و کریارێن خوە خوەیێن باش، یا هاریکار و پشتەڤان بیت بۆ سەرئێخستنا خێزانا خوە، هەمان دەم ژیدا دشێت وێ خێزانا ئەو ل بن ئێک بانڤە دگەل دژیت ب هەڕفڤینیت وبەرەڤ نەمانێ ڤەببەت، ئانکو ژنا سەرکەفتی واتە خێزانەکا سەرکەفتی ئاڤادکەت.
دكومەلگەھێ كوردی ژیدا گەلەك گرنگی بڤێ چەندێ و ھەلبژارتنا كچاندایە، دەما دچوون كچەك خواستبا دا ئێكەم تشت دیڤچوونێ ل مالا وێ كچێ كەن و كا رەوشت و تیتالێن وێ كچێ ل سەر چ بنەما ھاتینە ئاڤاكرن، ژبەركو ژنا باش دشێت خێزانەكا سەركەفتی ئاڤا بكەت و بەرۆڤاژی ژی ئەگەر ژنەك یا باش نەبیت دشێت خێزانەكێ ب ھەرفینیت.
نمۆنەیێن هوسا ژی ناڤ جڤاکێ مە دا دزوورن، هەلبژارتنەکا شاش د پەیوەندیا گرێبەستا خێزانێ دا، فاکتەرێ وێ تێگەشتنێ یە یا پێشدەم کار سەر نەهاتیەکرن، لەو رۆژ بۆ رۆژێ ئالۆزی و گرڤتاری ل هەمبەری وێ خێزانێ دەردکەڤن، تاکو دگەهیتە قوناغا ژێکڤەبوونا وێ گرێبەستا خێزانێ.
Comments are closed, but trackbacks and pingbacks are open.