دهێته چاڤه‌رێكرن سه‌رۆكێ هه‌رێما كوردستانێ سه‌ره‌دانا لايه‌نێن سياسى ل هه‌رێما كوردستانێ بكه‌ت و ژڤانه‌كێ د ئه‌ڤ ساله دا بۆ ئه‌نجامدانا هه‌لبژارتنان ده‌ستنيشان بكه‌ت.
عه‌لى حسێن به‌رپرسێ مه‌كته‌با رێكخستنێ يا سلێمانيێ و هه‌له‌بجه يا پارتى ئه‌ڤرۆ ئه‌ينيێ راگه‌هاند؛ سه‌رۆكێ هه‌رێما كوردستانێ پشتى كۆمبوونێ و ديداران ل گه‌ل لايه‌نێن سياسى يێن هه‌رێما كوردستانێ، دێ ژڤانێ هه‌لبژارتنان ديار كه‌ت.
ناڤهاتى خۆيا ژى كر؛ سه‌رۆك نێچيرڤان بارزانى د ده‌مه‌كێ نزيك دا دێ ل گه‌ل لايه‌نێن سياسى كۆمبيت و دێ ژڤانه‌كێ د ئه‌ڤ ساله دا بۆ ئه‌نجامدانا هه‌لبژارتنان ده‌ستنيشان كه‌ت.
گۆت ژى “كۆمبوونێن دناڤبه‌را پارتى و ئێكه‌تى دا به‌رده‌وامن هه‌روه‌سا دێ ل گه‌ل لايه‌نێن دى ژى ل دۆر هه‌لبژارتنان د به‌رده‌وام بن”.
ژڤان بوو هه‌لبژارتنێن په‌رله‌مانێ كوردستانێ د سالا 2022 دا هاتبانه كرن لێ ژ به‌ر نه‌رێككه‌فتنا لايه‌نێن سياسى ل سه‌ر هه‌مواركرنا ياسايا هه‌لبژارتان، پێكهاته‌يا كۆميسیۆنا هه‌لبژارتنان و كورسيێن كۆتا، هه‌لبژارتن بۆ ئه‌ڤ ساله هاتنه پاشئێخستن
Comments are closed, but trackbacks and pingbacks are open.