سه‌رۆكوه‌زیرێن ئیراقێ ب هه‌مى ره‌نگه‌كى ره‌ت دكه‌ت ئاخا ئیراقێ بۆ هێرشكرنا سه‌ر وه‌لاتێن جیران بهێته بكارئینان، ئاشكراكر ژى، ئه‌و دگه‌ل ئیرانێ رێككه‌فتنینه سنورێن هه‌ڤپشكێن دناڤبه‌را خۆ دا بپارێزن.
سه‌رۆكوه‌زیرێ ئیراقێ محه‌مه‌د شیاع سودانى، د هه‌ڤدیتنه‌كێ دگه‌ل كه‌نالێ ئه‌لجه‌زیره یێ قه‌ته‌رى ئاشكراكر، ل گۆره‌ى رێككه‌فتنا ئێمناهیێ یا دناڤبه‌را ئیراق و ئیرانێ دا، هه‌ر دو وه‌لات دێ سنورێن دناڤبه‌را خۆ دا پارێزن و كه‌سێن داخوازكرى ژى راده‌ستى هه‌ڤدو كه‌ن.
سودانى گۆت ژى: دڤێت په‌یوه‌ندیێن دناڤبه‌را ئه‌مریكا و ئیرانێ ره‌نگڤه‌دان لسه‌ر ئیراقێ نه‌بیت، ئیراقێ ئێدى پێدڤى ب شه‌ڕكه‌رێن بیانى نینه و ئه‌مریكى باش ڤێ ئێكێ دزانن.
دوهى عه‌لى شه‌مخانى ئه‌منیدارێ جڤاتا بلندا ئاسایشا نه‌ته‌وه‌یی یا ئیرانێ و محه‌مه‌د شیاع سودانى، سه‌رۆك وه‌زیرێن ئیراقێ و قاسم ئه‌عره‌جى راوێژكارێ جڤاتا ئاسایشا ئیراقێ رێككه‌فتنه‌ك ل دۆر پاراستنا ئاسایشا نه‌ته‌وه‌یی یا ئیراقێ و ئیرانێ ئیمزاكر. ل گۆره‌ى ژێده‌رێن نوچه‌یان بڕیاره شه‌مخانى سه‌ره‌دانا هه‌رێما كوردستانێ ژى بكه‌ت.
Comments are closed, but trackbacks and pingbacks are open.