ماموستا رياض فرزو محمود ناسراو دکتور ریاض هەرکی نڤیسکار و روژنامەنوس وراھێنەرێ نیڤ دەولەتی دبیاڤێ گەشەپێدانا مروڤی و شارەزا یێ خوێندنەڤا روخسارێن مروڤان، مێڤانێ دیدارا مەیە ل سەر بابەتێ گرنگیا کەسایەتیا گوتاربیژی .
زێ بادینان : گوتاربێژ کییە ؟ریاض هەرکی: گوتاربێژ ئەو کە سە یێ دشێت برێکا زمانێ لەشی و تونا دەنگی و پەیڤێن بالکێش کاریگەریە کامە زن دئێخیتە سەرلڤاندنا جەماوەری و گوھرینا ھزراوان بو ئەنجام دانا کارەکی یان گوھرینا وان ژکارەکی یان پێدانا زانیاریان .
زێ بادینان :گرنگیا گوتاربێژیێ دچ دایە؟
ریاض هەرکی: گرنگیا گوتاربێژیێ دئەڤێ چەندێ دایە کو گوتاربێژ دشێت ب پە یڤێن خو یێن کاریگەر و بھێز خەلکی ئاراستە بکەت بو ھەر کارەکی کو وی بڤێت و دشێت برێکا گوتاربێژیێ چارەسەریا زور ئاریشا بکەت چونکی گوتار بێژ دشێت بشێوازێ خویێ تایبەت خەلکی بینتە سەر وێ رێکێ یا وی دڤێت و رازی بکەت و دشێت ببیتە کەسەکێ دیار وببیتە کەسەکێ سەرکردە و کارێزما .
زێ بادینان :جەند جورێن گوتاربێژان هەنە؟
ریاض هەرکی: گوتاربێژ دبنە دوو جور :
گوتاربێژێ ئاسایی : ئەوە یێ کو گرنگیێ ب بنەمایێن گوتاربێژیێ نادەت.
گوتاربێژێ ئەکادیمی :ئەوە یێ کو رێسا و بنەمایێت گوتاربێژ یێ جێبەجێ دکەت و ھەروەسا کاریگەریێ پێخیتە سەر جەماوەری وئاراستە بکەت وئە وژی دزور بیاڤاندا رەنگدانە ڤێ دروست دکەت ودشێت دزور بیاڤاندا رۆلێ خو ببینیت وەک گوتاربێژ
وەک بیاڤێ ئابوری و کومەلایەتی و سیاسی وپەروەردەیی و تەندروستی …..ھتد ھندەک دبنە گوتاربێژێن ئابوری وھند دبنە گوتاربێژێن سیاسی …..ھتد.
زێ بادینان :دێ چاوا بیە گوتاربێژێ سەرکەفتى ؟
ریاض هەرکی: گوتاربێژێن سەرکەفتی ئەون یێن دشێن کاریگەرێ پێخنە سەر جەماوەری برێکا وی شێوازی تایبەت بخوڤە چونکی ھەر گوتاربێژەکی شێوازی خویێ تایبەت یێ ھەی بو راکێشانا جەماوەری .
زێ بادینان : جیاوازی دناڤ بەرا ترس و شەرمێ چیە؟
ریاض هەرکی:
بابەتێ ترسێ دگوتابێژیێدا :
ترس ل وی دەمی دروست دبیت دەمێ کەسەکی زانیاریێن تەمام نەبن ل سەر وی بابەتی وی دڤێت بەحس بکەت جا ھەر بابەتەک بیت .
بابەتێ شەرمێ دگوتابێژیێدا :
شەرم ل وی دەمی دروست دبیت دەمێ گوتاربێژی سەربور دپێشکێشکرنا گوتارێدا نەبن .
زێ بادینان : پەیڤا دوماهیکێ یا مێڤانێ مە؟
ریاض هەرکی: ھونەرێ گوتاربێژیێ ھەردکەڤندا ھەتا نھو ئێکە ژوان ھونەرا یێن خەلک زور گرنگیێ پێ ددەت و ھەولددەت تێدا یێ شارەزا بیت ھەتا کو کاریگەرێ دروست بکەت ل دەمێ ئاخڤتنێدا ھەر چەند مروڤ زێدەتر شارەزابیت دھونەرێ گوتاربێژیێدا گوتارا مروڤی دێ زێدەتر یاکاریگەر بیت و زێدەتر یا بالکێشبیت بو رازیکرنا جەماوەری وباشترین گوتارژی ئەوە یا زور یاکورت و کاریگەر بیت وپەیامەکە بگەھیت ھەر وەکی سوقرات دبێژیت (بەری خەلک گوھێن خو بگرن تو دەڤێ خو بگرە ).
پەیامنێرێ زێ بادینان
بلند بهجت
Comments are closed, but trackbacks and pingbacks are open.