كۆمكرنا ئیمزایان بۆ به‌ربژارێن سه‌رۆككۆماری بۆ وان كه‌سێن بێ فراكسیۆن ب دوماهى هات و بتنێ دو به‌ربژاران شیان 100 هزار ئیمزایان كۆم بكه‌ن.
27-3-2023ێ یێ دوماهى ژڤان بوو بۆ كۆمكرنا ئیمزایان بۆ به‌ربژارێن سه‌رۆككۆماری بۆ وان كه‌سێن بێ فراكسیۆن و بتنێ دو به‌ربژاران شیان 100 هزار ئیمزایان كۆم بكه‌ن كو ئه‌و ژى موحه‌ره‌م ئینجه، سه‌رۆكێ گشتى یێ پارتیا مه‌مله‌كه‌ت و سینان ئۆغان، به‌ربژارێ هه‌ڤپه‌یمانیا ئاتا بوون.
موحه‌ره‌م ئینجه 114 هزار ئیمزا و سینان ئۆغان ژى 111 هزار و 508 ئیمزا كۆمكرن، كۆمكرنا ئیمزایان ل 22-3-2023ێ ده‌ستپێكربوو.
پێشتر ژى هه‌ر ئێك ژ ره‌جه‌ب ته‌یب ئه‌ردۆگان، كو خودان فراكسیۆنه و هه‌روه‌سا كلچدار ئۆغلۆ ژى بێ كۆمكرنا ئیمزایان بووینه به‌ربژارین سه‌رۆككۆماریێ و بڤى ئاوایى نوكه چار كه‌س دێ هه‌ڤڕكیێ ل سه‌ر پۆستێ سه‌رۆككۆماریا توركیا كه‌ن.
به‌ربژارێن سه‌رككۆماریا توركیا
كه‌مال كلچدار ئۆغلۆ – به‌ربژارێ هه‌ڤپه‌یمانیا میلله‌ت
ره‌جه‌ب ته‌یب ئه‌ردۆگان – به‌ربژارێ هه‌ڤپه‌یمانیا جمهوور
موحه‌ره‌م ئینجه – به‌ربژارێ پارتیا مه‌مله‌كه‌ت
سینان ئۆغان – به‌ربژارێ هه‌ڤپه‌یمانیا ئاتا
ل گۆرى كۆمسیۆنا هه‌لبژارتنان هه‌لبژارتنێن سه‌رۆككۆماریا توركیا و په‌ڕله‌مانى دێ ل 14-5-2023ێ یێ هێنه كرن.
Comments are closed, but trackbacks and pingbacks are open.