خورشید ئەحمەد سورچی
هەرێما کوردستانێ پشتی کو د دەستورێ عێراقێ دا وەک قەوارەکا سیاسی یا سەربخو هاتە چارچۆڤەکرن ، پتر ڕێک لبەر وێ خوش بوو کو کار لسەر ( پرسا کوردی ) بکەت ، پرسا کوردی ب درێژاهیا دیروکی ژلایێ دەولەتێن ئەقلیمی و ناڤدەولەتی ڤە ، گرنگی یا پێ هاتیە دان و هەرگاڤ لسەر مێزا دانوستاندنان وان بویە جهێ گەنگەشێ دناڤبەرا دەولەتان دا ، ب مخابنی ڤە بەری نوکە ژبەر وێ زولم و زوریا ل جڤاکێ کورد هاتیە کرن دەرفەتێن باش پەیدانەبوون بو دەستهەلاتداریێن ئێک لدیف ئێکێن کوردی کو ب درستی کار لسەر پرسا کوردی بکەن ، بەلێ جهێ خوشحالیێ یە کو دنوکەدا پرسا کوردی وەک ئامرازەکێ بهێزە د دەستێ دەستهەلاداریا هەرێما کوردستانێ کو هەرگاڤ داکوکی لسەر هاتیە کرن و شەڕ دهێتە کرن دناڤ پەڕلەمان و دەزگەهێن دی ێن دەولەتێ لسەر پرسا کوردی ، ل دەمێ سەروک بارزانی پرسا ڕیفراندومێ لسەر داخازیا زورینەیا خەلکی ئینا هەبوونێ ئێکسەر دەولەتێن ئینتەرناسیونال و ئەقلیمی کەفتنە دژایەتیا وێ پرسێ ، چونکی وان دزانی هەرێم نوێنەرایەتیا پرسەکێ دکەت نەک چەند ملیون کەسەکان و ترسا مەزن ئەوبوو کو کوردێن دی ژی ب نوێنەرایەتیا هەرێمێ و سەروک بارزانی داخازا مافێ خو یێ سروشتی بکەن کو ئەوژی دەولەتە . دڤێرەدا بومە دیاردبیت کو پرسا کوردیا نوکە وەکی سەردەمێن بەری نیە ، چونکی نوکە هەرێمەکا بهێز یا سەرکردایەتیا پرسا کوردی دکەت د ڕوژهەلاتا ناڤین .بێگومان ب درێژاهیا دیروکێ سیستەمێ ناڤدەولەتی و هەرێمی لسەر کوردان زالدەست بوینە و وەک ئالاڤ سەحکریە کوردان و پرسا کوردی ، لەورا بهێزبوونا پێگەهێ هەرێمێ و نوێنەرایەتی کرنا وێ بۆ پرسا کوردی ، هەرگاڤ مەترسیە لسەر دەولەتێن ئینتەرناسیونال و ئەقلیمی لەورا ڕوژ ب ڕوژ ێن د پێکولا لاوازکرنا پێگەهێ هەرێمێ دانە ، چونکی هەرێم یا نوێنەرایەتیا پرسەکێ دکەت کو مەزنترین نەتەوا بێ دەولەت خودان ئەڤ پرسەیە د ڕوژهەلاتا ناڤین.
Comments are closed, but trackbacks and pingbacks are open.