سالار محمد فتاح
د گوتن سەردەما کولونیالیزم و ئیمپیرالیزم داوی هاتیە، و شەرێ سار دناڤبەرا ئەمریکا و ڕۆسیا دا ژی داوی هاتیە، و هندەک ژ شلوڤەکاڕێن دی یێن پەیوەندیێن ناڤدەولەتی د گوتن “ئەڤە سەردەمێ (post-cold war)، لێ یا خویایە کا شاشی د کیژان هزرێ دایە، دەما مە د گوت شەر دبن پەردەیا ئاشتیێ دایە، ب ڕێکا هێزێن مێلیشیات، و ئوپوزسیونان سەردەمێ کولونیالیزم، و شەرێ سارد بەردەوامە، و دووبارە سەرنجێ دانمە سەر وێ یەکێ کو جیهان د تەم و مژەکا سیاسی یا مەترسیدار دایە، ب تایبەت ل دەڤەرێن جیوسیاسی یێن گرنگ کۆ ل ١٣ مەها شوباتا سالا ٢٠٢٢ ل ڕۆژناما ئەڤرۆ هژمارە ٣١٠٨ من ئاماژە ب چەندین دەڤەرێن جیوسیاسی دایە کو شەر لێ ڕویبدەن کو ئێک ژ وان دەڤەران ڕۆژئاڤا ئەروروپا بوویە. ئەڤێ چەندێ کارتێکرن ل سەر وەلاتێن جیهانێ کر کو دبن پەردەیا ئاشتیێ دا شەری بکەن، لێ نها پەردەیا ئاشتیێ هاتییە دڕاندن، و هێدی نەشێت شەرانگیزان ب ڤەشێریت، و ئەڤە بۆ هوکارێ تێکچوونا بارودوخێ سیاسی ب تەمامی ل جیهانێ. ئیسرائیل، فرەنسا، بێلاڕوسیا، پولەندا، عیراق، ئەمریکا ناڤچەیێن قەفقاز، ئیران، کوسوفو، ئەلمانیا، هەرێمین ڕۆژئاڤایا ڕۆسیا، تایلەند، باکورێ ئەفریکا، و هەروەسان ب دیتنا من مەترسیەکا دژوار ل سەر ئەلمانیا ژمارە دوو هەیە (یابان). ئەڤ وەلاتێن من ئاماژە پێداین هەمیان ژ بەریا نوکە شەر دناڤدا هەبوویە، بەلێ ب ڕێژەیەکا زور ب ڕێکا شەرێ میلیشیاتان بوو، میناکا وێ وەلاتێ ئابوری شکەستی یێ تورکیا، کو ل باکۆرێ سوریا خۆ ب هێزەکا ئاسایشی یا ئاشتی پەروەر ددا دیارکرن ب دامەزراندنا ناڤچەیا ئازاد، کو ئەو ناڤچە شەر تێدا نە هێتە ڕویدان بۆ پاراستنا سنورێن تورکیا، لێ د هەمان دەمدا مێلیشاتان ل ژێر پەردا مێلیشیاتان دا خەلکێ سڤێل ل سوریێ و ڕۆژئاڤایا کوردستانێ بومبە باران دکر. شەرێ زنجیرەی یێ ڕۆسیا و ئوکرانیا (هژمار- ناتو) بێدەنگبوونا ویلایەتێن ئەمریکی و هەڤالبەندێن وێ… ئەڤا من گوتی ل وی دەمی بوو دەما پەردەیا ئاشتیێ نەهاتیە دراندن، نوکە ب ئاشکەرا فروکە، بومبێن یورانیومێ بریتانی ل دژی ڕۆسیا دهێتە ب کارئینان، و ڕۆسیا لڤینێ دکەت بۆ کونترولکرنا تەمام یا پولەندایێ، و بێلاڕوسیا ژی بەرەڤ کێشمەکێشێن سیاسی دچیت، ئەڤ دوو وەلاتە گرنگترین دەڤەرێن ستراتیجی یێن ڕۆژهەلاتا ئەوروپانە….
ب کورت و پوخت ل سەر ماسەیا شترەنجێ هەمو کارێکتەر ئالوزن.
Comments are closed, but trackbacks and pingbacks are open.