بڕیارە ئەڤرۆ رۆژا سێشەمبی دو فیرقەیێن سەربازی ژ لایێ وەزارەتا پێشمەرگەی ڤە بهێنە راگەهاندن و بەرپرسەکێ وەزارەتا پێشمەرگەی ژی دبێژیت: د قووناغێن داهاتی دا دێ هەژمارەکا فیرقەیێن دی ژی هێنە پێکئینان.
عەمید عوسمان ریشە، رێڤەبەرێ گشتیێ راگەهاندنا وەزارەتا پێشمەرگەی بۆ رۆژناما ئەڤرۆ دیار کر، ئەڤرۆ ژ لایێ وەزارەتا پێشمەرگەیڤە دێ دەست ب کاربوونا دو فیرقەیێن سەربازی هێتە راگەهاندن و گۆت: “ئەو دو فیرقەیێن سەربازی سەر ب وەزارەتا پێشمەرگەیڤەنە و بەری نوکە کار بۆ دامەزراندنا وان دو فیرقەیان هاتیە کرن و د چارچوڤێ ئێکگرتن و رێکخستنا هێزێن پێشمەرگەی دا ئەو دو فیرقە هاتینە دامەزراندن”.
عەمید عوسمان ریشە گۆتژى: “ژبلی هەردو فیرقەیێن هاتینە دامەزراندن بڕیارە هێشتا فیرقە و لیوایێن نوو یێن پێشمەرگەی بهێنە پێکئینان و هەموو ژی دێ سەر ب وەزارەتا پێشمەرگەی ڤە بن و چەک و کەلوپەلێن سەربازی دێ بۆ هێنە دابینکرن، هەروەسا ژ لایێ مەشق و راهێنانانڤە دێ هێزێن رێکخستى و موکوم بن و دیسپلین و بڕیارێن سەربازی ژ لایێ هێزێن هاتینە دامەزراندن ڤە دێ هێنە بجهئینان”.
قائید میرۆ
Comments are closed, but trackbacks and pingbacks are open.