▪ تۆ کاروانی ، رەفتاراته دێ مینیت سامانێ تە !

دلدار محەمەد

ب خەم نەکەڤە ،بلا تە چ بەریک نەبن ، جزدانکا خۆ هەردەم ڤالا ژی ببینی ، بەلێ تۆ دشیێی یێ مەردبی و بگەهیە ئاستێن بلند یێن مەردینیێ
تۆ شێیی د گرنژینێ دا ، یێ مەردبی، د رەفتارا چاک دا یێ مەردبی ، دڤیانێ دا یێ مەربی ، د نەگوتنا پەیڤێن زڤردا یێ مەردبی

تە چجاران هزرا خۆ کریە ، چەند سالێن عەمرێ تە بورین ، هێشتا گرێکێن ئەنیا تە ڤه نەبوین !
هێشتا ئنیەتێن تە یێن ئێشاندنێ نە هەلوەشیاین
بەری بیتە ئێڤارا ژیێ تە پیچەک دگەل خۆ روینە خوار دێ زانی چەند پەیڤێن تە بوینه گۆلە ، هەستێ چەند کەسان پێ پرتکیه ، ببێژه خۆ ما خودێ ئەم بوڤێ داینە سەر عەردی ؟!
ئێدی دێ زانی دەمە دلێ خۆ ژی وەکی جزدانکێن هەژاران ڤالا بکەی ، دا سباهی نەبیە خودانێ بێدەرەکا ڤالا
ژبیرنەکە کەس ب دفنا بلند ، رەفتارێن نزم ناگەهیتە ئاستێ بلند یێ رازی بوونا خودێ ، ژبیرنەکە سباهی هەر رەفتارەکا تە یا کرێت دێ بۆ تە بیتە بارگرانی ، بزاڤێ بکە هەتا ناڤ گورستانێ مرۆڤ بە ، دێ چیە وێرێ رازیبونا خودێ و خەلکی هەردوو یێ بدەستتەڤە هاتین ، بەلێ هندی هۆسا بیت ، ئەڤرۆ یا تە دوهیا تە ژ بیرا تە ببەت باوەرنەکە ل وێ رۆژا چ دگەل تە نە ژبلی کریارا، تۆ یێ سەرفەرازبی !
لەوما هەر ڤێگاڤێ نە گا ڤەکا دی هەمی شاشیان راستڤەبکە ، هەر دلەکێ ته شکاندی ب لێبورینێ شاد بکە ، تۆ دڤێ دونیایێ دا بتنێ کاروانیەکی ، ئەڤێ رۆژانە دگەل خو ببێژە ، دا وەکی ناڤێ تە ل بیرا تە بمینن
(سباهیەکا نێزیک دێ هەمی ماڵ و سامانان ژ دەست دەی بتنێ دێ رەفتارا تە مینیت سامانێ ئێکلاکەر بۆ پاشەرۆژا تە)