ئاژانسا رویتەرز راپۆرتەک دەربارەی پرۆسەیا هنارتنا پەترۆلا هەرێما کوردستانێ و دانوستاندنێن تورکیا و حکومەتا ئیراقێ پشتی بریارا دادگەها پاریسێ یا دژی هەرێما کوردستانێ بەلاڤ کر.
رویتەرزێ زانیاری ژ چار بەرپرسێن ئیراق و هەرێما کورسستانێ وەرگرتینە بێی کو ناڤێن وان ئاشکرا بکەت و راگەهاندیە؛ چەندین ئاماژە هەنە کو د چەند حەفتیێن بهێت دا هنارتنا پەترۆلا هەرێما کوردستانێ دەستپێبکەت، پشتی کو ل گەل حکومەتا بەغدا گەهشتینە رێککەفتنێ.
ئێک ژ ژێدەران بۆ رویتەرزێ گۆتیە کو ل دەستپێکا هەیڤا گولانێ دێ هنارتنا پەترۆلێ دەستپێکەت، لێ ژێدەرەکێ دی وێ چەندێ ب گرەنتی نابینیت و گۆتیە کو دبیت پشتی 2 تا 3 حەفتیێن دی دەستپێبکەت.
ل گۆرەی رویتەرزێ، بەری هنارتنا پەترۆلا هەرێما کوردستانێ دەستپێبکەن تورکیا دخوازیت هەموو کەیسێن گرێدایی ڤی بابەتی و بریارێن دادگەها پاریسێ تایبەت یێن دەربارەی دانا 1.5 ملیار دۆلاران ب بەغدا ئێکلا بکەت، لێ ئیراق یا بەرهەڤ نینە دانوستاندنان بکەت و ڤێ یەکێ ژی تورکیا بێزار کریە.
ژێدەرەکێ دی ژی ژ هەرێما کوردستانێ بۆ ئاژانسێ گۆتیە کو تورکیا دخوازیت پشتی هەلبژارتنێن سەرۆکاتیێ کو بریارە ل رۆژا 14ێ هەیڤا بهێت بهێنە کرن، پرۆسەیا هنارتنا پەترۆلا هەرێما کوردستانێ دەستپێبکەت
Comments are closed, but trackbacks and pingbacks are open.