بڕیارە ل دەستپێکا ھەیڤا بهێت دادگەھا فیدرالی کۆمبوونەکێ ل دۆر درێژکرنا ژییێ پەرلەمانێ کوردستانێ بکەت و بەرپرسەکێ پارتی دبێژیت، یا پێشبینی کرییە بریارا درێژکرنا ژییێ پەرلەمانی ب نەده‌ستووری بھێتە وەسفکرن.
ھه‌وار محەمەد، بەرپرسێ یاسایێ ل پشکا ھەلبژارتنێن پارتی بۆ دوهۆک تیڤی دا دیارکرن کو بڕیارە ل رۆژا ٣ی ھەیڤا گۆلانێ دادگەھا بلندا فیدرالی ل دۆر بڕیارا درێژکرنا ژییێ خۆلا پێنجێ یا پەرلەمانێ کوردستانێ کۆم ببیت و تێدا دادگەھـ بریارا خۆ ل دۆر بابەتێ درێژکرنا ژییێ پەرلەمانێ کوردستانێ بدەت، کو ژییێ پەرلەمانی ھاتییە درێژ کرن ھەتا دووماھییا ئەڤ سالە.
و گۆت ژی” پێشبینی دھێتە کرن دادگەھا فیدرالی بڕیارا درێژکرنا ژییێ پەرلەمانێ کوردستانێ رەت بکەت و ب نەدەستووری وەسف بکەت، و د وی دەمی دا دێ ھەرێما کوردستانێ کەڤیتە د قووناغا ڤالاھییا یاسایی و ئەڤ چەندە دێ کاریگەرییان ل پشت خۆ هێلیت.
Comments are closed, but trackbacks and pingbacks are open.