راپۆرتێن رۆژنامه‌ڤانى یێن ئسپانیا ئاشكراكرن، راهێنه‌رێ فره‌نسى زێنه‌دین زێدان ژ ده‌رڤه‌ى پلانێن یانه‌یا ریال مه‌دریدێ یه بۆ وه‌رزێ بهێت.
رۆژنامه‌یا ماركا یا ئسپانى دیاركر، زێدان نوكه یێ ل به‌ر ده‌سته ب تایبه‌ت كو گرێداى چ یانه‌یان نینه، لێ ئه‌و دزانیت ریال مه‌درید نابیته وێستگه‌ها وى یا بهێت.
ماركایێ دووپاتكر، جڤاتا كارگێرییا ریال مه‌دریدێ هزرا ڤه‌گه‌راندنا زێدانى نه‌كرییه، و باوه‌رییه‌كا مه‌زن ب كارلۆ ئه‌نچیلۆتى و كارێ وى هه‌یه.
هه‌روه‌سا ئاماژه ب هندێ دا، یانه‌یا شاهانه چ لڤین بۆ لایێ ئه‌فسانه‌یا فره‌نسا نه‌كرینه، و زێدانى ب خۆ ژى بزاڤ نه‌كرینه په‌یوه‌ندییێن خوه دگه‌ل یانه‌یێ ڤه‌گه‌رینیت.
ئاشكرا ژى كر، دنوكه‌دا په‌یوه‌ندییێن سه‌رۆكێ ریال مه‌دریدێ فلۆرێنتینۆ پیرێزى و كارلۆ ئه‌نچیلۆتى ژ هه‌ر ده‌مه‌كێ دى ب هێزترن، و كارگێرى و راهێنه‌رێ ئیتالى دانوستاندنان ل دۆر پلانێن یانه‌یێ بۆ وه‌رزێ بهێت دكه‌ن.
Comments are closed, but trackbacks and pingbacks are open.