رێڤەبەرێ گشتی یێ چاندنێ ل پارێزگەها دهۆکێ دیار کر، پلانا وەرگرتنا گەنمێ جۆتیاران بۆ ئەڤ سالە ل پارێزگەها دهۆکێ هاتە دانان و دێ سێ سایلۆ گەنمی وەرگرن.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆکێ بۆ ئەڤرۆ دیار کر، “ئەڤ سالە سایلۆیا شێخان و فەیدیێ و زاخۆ دێ گەنمێ جۆتیاران وەرگرن و بڕیار هاتیەدان هەموو ئاسانکاریەک بۆ جۆتیاران بهێتە کرن، دەمێ گەنمێ خوە دبەنە سایلۆیان، ئەڤ سالە پێشبینی دهێتە کرن ل دووڤ پلانا چاندنێ بەرهەمێ گەنمێ جۆتیاران بگەهتە 382 هزار تەنێن گەنمی، هەر نوکە دەست ب بەرهەڤیێن وەرگرتنا گەنمی هاتیە کرن”.
ناڤهاتى ئاشکرا کر، ل سەر ئاستێ پارێزگەها دهۆکێ لیژنە بۆ دەستپێکرنا پرۆسەیا دوورینا گەنمی هاتینە پێکئینان، ئەڤ سالە دبیت ل 25/5/2023 دەست ب وەرزێ دوورینا گەنمی بهێتە کرن و بەرهەمێ گەنمی ژی ئەڤ سالە دێ گەلەکێ باش بیت.
Comments are closed, but trackbacks and pingbacks are open.