رێڤه‌به‌رێ گشتییێ په‌روه‌ردێ ل پارێزگه‌ها دهۆكێ راگه‌هاند، ل پارێزگه‌ها دهۆكێ 458 قوتابخانه هاتینه ئاڤاكرن و نووژه‌نكرن و بهرفرههكرن و وان پلان هه‌نه به‌رده‌وامییێ ب ڤى كارى بده‌ن.
عومه‌ر عه‌لى تاها رێڤه‌به‌رێ گشتییێ په‌روه‌ردێ ل پارێزگه‌ها دهۆكێ بۆ ئاژانسا خانى دیاركر، هه‌ر ژ ده‌ستپێكا ده‌ستبكاربوونا كابینه‌یا نه‌هێ یا حكومه‌تا هه‌رێما كوردستانێ و هه‌تا نوكه، 458 قوتابخانه هاتینه ئاڤاكرن و نووژه‌نكرن و بهرفرههكرن، كو ل ژێر چاڤدێرییا پارێزگارێ دهۆكێ عه‌لى ته‌ته‌رى، به‌رێ بنیاتى بۆ ئاڤاكرنا 13 قوتابخانه‌یان ل سنۆرێ په‌روه‌رده‌یا گشتییا دهۆكێ هاتییه دانان، 13 قوتابخانه هاتینه ئاڤاكرن و 94 قوتابخانه هاتینه بهرفرههكرن و كه‌ڤتینه د خزمه‌تا قوتابییاندا، 351 قوتابخانه ل سنۆرێ هه‌موو په‌روه‌رده‌یێن سه‌ر ب رێڤه‌به‌رییا گشتییا په‌روه‌رده‌یا پارێزگه‌ها دهۆكێڤه هاتینه نووژه‌نكرن.
هه‌روه‌سا رێڤه‌به‌رێ گشتییێ په‌روه‌ردێ ل سنۆرێ پارێزگه‌ها دهۆكێ ئاشكراكر، ئه‌ڤ هژمارا قوتابخانه‌یان هه‌موو ل سه‌ر بودجه‌یا وه‌زاره‌تا په‌روه‌ردێ و كارگێرییا پارێزگه‌ها دهۆكێ هاتینه ئاڤاكرن و نووژه‌نكرن و بهرفرههكرن، ئه‌ڤ پرۆسه دێ یا به‌رده‌وام بیت و گه‌له‌ك قوتابخانه‌یێن دى ژى دقووناغا نووژه‌نكرن و به‌رفره‌هكرنێ دانه.
Comments are closed, but trackbacks and pingbacks are open.