کۆمبوونا 8 ی گولانا 2023 ێ ” ل گه‌ل شاندی ئۆفیسا کەرکووکێ یا (یۆنامی) داخوازنامه‌كا فه‌رمی گه‌هشته پارتی دیموکراتی کوردستان بۆ پشكداریکرنێ د کۆمبوونا لایەنێن کوردستانی، ب سەرپەرشتییا نوونەراتییا نەتەوێن ئێکگرتی ل کەرکووکێ.
ل ده‌مێ گەهشتنا شاندێ هاتییه راسپاردن بۆ پشكداریکرنێ د وێ کۆمبوونێ دا بۆ ئاڤاهییێ پارێزگه‌هێ، دەرکەفت ئەجندایەکێ پێشوەخت یێ دارێژتی هه‌یه بۆ ئەنجامدانا هنده‌ك ڕێکارێن دوور ژ وێ پرۆتۆکۆلا هاتییه پەسەند کرن یا رێکخستنی” چوونا ژوورا شاندان بۆ کۆمبوونێن سازی یێن نێڤدەولەتی و هنارتی یێن نەتەوێن ئێکگرتی، ب تایبەتی کو ئامادەبوونا شاندێ پارتی دیموکراتی کوردستان ل ئاڤاهییێ پارێزگاری دا ل سەر داخوازناما فەرمی یا (یۆنامی) بوویه، چ لایەنێن ناڤخۆیی پەیوەندی ب وێ داخوازنامێ یان کۆمبوونێڤه نه‌بوو یاكو نوونه‌راتییا نەتەوێن ئێکگرتی رێکخستبین له‌وما شاندێ پارتی دیموکراتی کوردستان بڕیار دا د وێ كۆمبوونێ دا ئاماده نه‌بیت.
د وی كڤانی دا ب تنێ گرنگییا کارکرنا نوونه‌راتییا نەتەوێن ئێکگرتی و سازی یێن نێڤدەولەتی یێن جۆدا بۆ ڕێگریکرنێ ل هەر بزاڤه‌كێ بۆ هندێ بكه‌نە پشكه‌ك ژ سیاسەتا سفکاتیکرن و پشتگوهخستن کو پارێزگارێ ب زۆر ل سەر وه‌لاتی یێن کەرکووکێ دا هاتییه سه‌پاندن پەیڕەو دكه‌ت بۆ مفا وه‌رگرتن ژ هه‌بوونا ئۆفیسا نەتەوێن ئێکگرتی دناڤا ئاڤاهییێ پارێزگه‌هێ دا، ب روونی دیار بكه‌ین و داخوازێ ژ نوونەراتییا یۆنامی دکەین خۆ ژ ڤان جۆرە کارێن نه دروست دوور بكه‌ت.
شاندێ مه یێ بەرێز ب پرۆفیشنالییەکا بلند رووبروو هەموو وان ڕێکار و پلانێن پێشوەخت یێن هاتینه ئامادەکرن بوویه، هەروەسا هەلویسته‌كێ شەرەفمەندانە هەبوو کو شکۆیا گەلێ کوردستانێ ل کەرکووکێ پاراست و مافێ هەموو لایەنێن سیاسی یێن خودان نوونەراتییا ڕاستەقینە ل سەر بنەمایێ شەرعیەتا هەلبژارتن و دیموکراسییێ ژ ئەنجامدانا ئازادانە و شەرەفمەندانە و سەربنلدی چالاكی یێن خۆ سەلماندن.
ئەڤ جۆرە ره‌فتاره ب چ ره‌نگان خەباتا پارتی دیموکراتی کوردستان و بزاڤێن چر ب دووماهی ئینان ب ڤێ ره‌وشا نه ئاسایی ل کەرکووک راناگریت.
سلاڤ ل گییانێ پاقژێ شەهیدێن کورد و کوردستانێ، سلاڤ ل وه‌لاتی یێن مه ل کەرکووکێ و هه‌موو ده‌ڤه‌رێن کوردستانی یێن دەرڤه‌یی ئیدارا هەرێما کوردستانێ.
Comments are closed, but trackbacks and pingbacks are open.