ئاوارە نێروەیی
موحەرەم ئینجەی خۆ ژ بەربژاریا سەرۆکاتیا تورکیا ڤەکێشا:
ب سێ رۆژان بەری هەلبژارتنێن تورکیا، موحەرەم ئینجە، بەربژارێ پۆستێ سەرۆککۆماری خۆ ڤەکێشا.
موحەرەم ئینجە، سەرۆکێ حزبا وەتەن ئەڤرۆ د گۆنگرەکێ رۆژنامەڤانی دا گۆت: ” یا من د 45 رۆژێن بۆری دا دیتی، من د 45 سالان دا نەدیتیە، ب هاریکاریا دەولەتێ ناڤزراندن د دەرحەق من دا هاتیە کرن، هندەک کەسان وێنە، ڤیدیۆ، دیکیۆمێنتێن ساختە ب ناڤێ من بەلاڤ کرینە”.
هەروەسا گۆت: ئەندامێن رێکخراوا فەتحولا گولەن ژ دەرڤەی تورکیا و پشتەڤانێن ئۆپۆزسیۆنێ و پەکەکێ 45 رۆژە هێرشی وی دکەن و خۆیا کر “نە دەولەتێ ناڤودەنگیا من پاراست و نە سازیێن حکومی مافێ من، هەروەسا راگەهاندنێ ژی پشتەڤانیا خۆ بۆ من دیار نەکر”.
موحەرەم ئینجە ئەڤرۆ ب فەرمی خۆ ژ بەربژاریا پۆستێ سەرۆککۆمارێ تورکیا ڤەکێشا و داخواز ژ دەنگدەرێن خۆ کر دەنگێ خۆ بدەنە کەمال کلچدارئوغلۆی.
پێشتر ژمارەکا ڤیدیۆیێن سێکسی ل ناڤا سۆشیال میدیا تورکیا دا بەلاڤ بووینە و تێدا وەسا هاتیە دیارکرن کو مەحەرەم ئینجەیە و ژ مالپەرەکێ پۆرن یێ ئسرائیلی هاتینە دەرئێخستن
Comments are closed, but trackbacks and pingbacks are open.