ب مەرەما گرنگیدان ب کەرتێ کارەبێ و باشترکرنا وێ، پڕۆژەیەکێ ستراتیژى یێ کارەبێ ل سنوورێ ئیدارەبا سەربخوە یا زاخۆ هاتیە بجهئینان و رێڤەبەریا گشتى یا کارەبا پارێزگەها دهۆکێ ژى رادگەهینیت، کو گرنگیا ڤى پڕۆژەى ئەوە، وەکو ژێدەرێ دویێ یە ژ بۆ گرێدانا هێلا کارەبێ ژ تورکیا بۆ ئیراق و هەرێما کوردستانێ.
رێڤەبەریا گشتى یا کارەبا پارێزگەها دهۆکێ د پەیجێ خوە یێ فەرمى دا ل سەر تۆڕا جڤاکى یا فەیسبووکى بەلاڤکریە، ئەندازیار شاکر مەحمود مەحمود، رێڤەبەرێ گشتى یێ کارەبا پارێزگەها دهۆکێ و شاندەکى د گەل دا دووڤچوونا پڕۆژەیێ وەستگەها (سویچینگ 400 کەى ڤى) یێ هەلکرن و ڤەمراندنا هێلا 400 کەى ڤى ل دەڤەرا پێشابیرێ ل دێرەبینى دا.
ل دۆر گرنگیا پڕۆژەى، رێڤەبەریا گشتى یا کارەبا پارێزگەها دهۆکێ خویا کریە، گرنگیا ڤى پڕۆژەى ئەوە، وەکو ژێدەرێ دویێ یە ژ بۆ گرێدانا هێلا کارەبێ ژ تورکیا بۆ ئیراق و هەرێما کوردستانێ و دشیان دایە هەتا هزار مێگاواتێن کارەبێ دابین بکەت.
ئاشکرا ژى کریە، ئەڤ وەستگەهە ژ لایێ کۆمپانیا کار ڤە ب گوژمێ 10 ملیۆن دیناران و ب درێژاهیا 17 کیلۆمەتران هاتیە بجهئینان و پڕۆژە ب رێژەیا 100% هاتیە ئەنجامدان.
Comments are closed, but trackbacks and pingbacks are open.