سووریا ، شەرەک مەزن دروست بوویە

ئه‌ڤرو پێكدادانه‌كا دژوار دناڤبه‌را هێزێن ئاسایشا رێڤه‌به‌ریا خوسه‌ر و میلیشیاتێن به‌ره‌ڤانیا نیشتیمانى یا سه‌ر ب حكومه‌تا سوریێ ڤه‌ ده‌ست پێكره‌ڤه‌.
ژ ئه‌نجامێ ئاگربه‌سته‌كا به‌روه‌خت یا دناڤبه‌را هێزێن ئاسایشا رێڤه‌به‌ریا خوسه‌ر و میلیشیاتێن به‌ره‌ڤانیا نیشتیمانى یا سه‌ر ب حكومه‌تا سوریێ ب نابه‌ینكاریا رووسیا ئارامى بو قامشلو ڤه‌گه‌ریا بوو ڤه‌، به‌لێ ژ شڤێدى وه‌ره‌ شه‌رى ده‌ستپێكریه‌ ڤه‌ و دوهى جاره‌كا شه‌رێ كولان ب كولان ب چه‌كێ سڤك و گران ل وى باژێرى یا به‌رده‌وامه‌ بوو.

شه‌ر و پێكدادانێن دژوار دناڤبه‌را هێزێن ئاسایشا رێڤه‌به‌ریا خوسه‌ر و میلیشیاتێن به‌ره‌ڤانیا نیشتیمانى سه‌ر ب حكومه‌تا سوریێ ل تاخێن ته‌ى ل قامشلو ده‌ستپێكریه‌ ، ده‌نگه‌كێ زور یێ ته‌قێ و هاونا دهێته‌ گوهلێبوون، ده‌ستپێكرنا وى شه‌رى د ده‌مه‌كى دایه‌ دوهى شانده‌كێ له‌شكرى یێ رووسیا دگه‌ل هه‌ردوو لایه‌نێن شه‌رى ل فروكخانا قامیشلو كومبوون و ئه‌نجامێ كومبوونێ ژى ئاگربه‌ست بوو، به‌لێ ئه‌ڤرو ئاگربه‌ست هاته‌ پێشێلكرن و شه‌رى ده‌ستپێكریه‌ڤه‌.