دهۆك-KDP.info- ل ژێر چاڤدێریا (پ.د.عه‌لى ته‌ته‌ر) پارێزگارێ دهۆكێ به‌رهه‌ڤیێن گه‌ڕا نه‌هێ یا كه‌رنه‌ڤالێ 54 سالیا پارێزگه‌هبوونا دهۆكێ هاتینه‌كرن یێ كو ژڤانه ل رۆژا 27/5/2023 ب پشكداریا هه‌مى داموده‌زگه‌ه و سازیێن پارێزگه‌ها دهۆكێ و ب ئه‌نجامدانا چه‌ندین كار و چالاكیێن جودا ژ لایێ رێڤه‌به‌ریا گشتى یا ره‌وشه‌نبیرى و هونه‌رى ل پارێزگه‌ها دهۆكێ ڤه ل پاركا نه‌ورۆز یا د ناڤ سه‌نته‌رێ باژێڕێ دهۆكێ دا بهێته گێڕان.
حه‌سه‌ن فه‌تاح، په‌یڤدارێ رێڤه‌به‌ریا گشتى یا ره‌وشه‌نبیرى و هونه‌رى ل پارێزگه‌ها دهۆكێ بۆ ماڵپه‌رێ فه‌رمیێ پارتى دیموكراتى كوردستان دیار كر كو ل رۆژێن بۆرى لوگۆ و پۆسته‌رێن كه‌رنه‌ڤالێ نه‌هێ یێ 54 سالیا پارێزگه‌هبوونا دهۆكێ هاتینه به‌لاڤكرن كو ده‌ربڕینێ ژ پارێزگه‌ها دهۆكێ دكه‌ن، سه‌ره‌رایى ڤێ چه‌ندێ هه‌ماهه‌نگى دگه‌ل هه‌مى داموده‌زگه‌ه و سازیێن پارێزگه‌ها دهۆكێ هاتیه‌كرن بۆ وێ چه‌ندێ كه‌رنه‌ڤالێ پارێزگه‌هبوونا دهۆكێ ببیته ره‌نگڤه‌دانا هه‌مى دهۆكیان و گۆت: “كه‌لتۆر و كارێ سازیێن پارێزگه‌ها دهۆكێ دێ د ناڤ كه‌رنه‌ڤالى دا هێنه نیشادان، هه‌روه‌سا د هه‌مان ده‌م دا دێ كۆنسێرته‌كا هونه‌رى ژى ب پشكداریا چه‌ندین هونه‌رمه‌ندان و تیپێن هونه‌رێ مللى هێته گێِران”.
ناڤهاتى ئاماژه دا وێ چه‌ندێ كو ژ بلى خه‌لكێ پارێزگه‌ها دهۆكێ وان بزاڤ كرینه ب هه‌ماهه‌نگى دگه‌ل رێڤه‌به‌ریا گشتى یا گه‌شتوگۆزارێ ل پارێزگه‌ها دهۆكێ گه‌شتیاران ژى پشكدارى گه‌ڕا نه‌هێ یا كه‌رنه‌ڤالێ رۆژا پارێزگه‌هبوونا دهۆكێ بكه‌ن، سه‌ره‌رایى ڤێ چه‌ندێ دێ ده‌زگه‌هێن راگه‌هاندنێ یێن ناڤخۆ و بیانى بۆ رۆمالا كه‌رنه‌ڤالى هێنه داخوازكرن و گۆت: “د ئه‌ڤ ساله دا جودا ژ سالێن بورى دێ كه‌رنه‌ڤال گرنگیه‌كا تایبه‌ت ب ژینگه‌هێ و پاراستنا سرۆشتى و هونه‌رێ هه‌مه‌ره‌نگێَ ده‌ڤه‌رێن جوداجودا یێن پارێزگه‌ها دهۆكێ ده‌ت”.
Comments are closed, but trackbacks and pingbacks are open.