سه‌رۆكێن ئیرانێ و ئه‌ندونیسیا رێككه‌فتنه‌كا بازرگانى بۆ به‌رفره‌هكرنا قه‌باره‌یێ بازرگانیێ دناڤبه‌را هه‌ردو وه‌لاتان دا ئیمزاكر.
د سه‌ره‌دانا فه‌رمى یا سه‌رۆك كۆمارێ ئیرانێ ئیبراهیم ره‌ئیسى دا بۆ ئه‌ندونیسیا، رێككه‌فتنه‌كا بازرگانى دناڤبه‌را هه‌ردو وه‌لاتان دا هاته ئیمزاكرن. سه‌رۆكێ ئه‌ندونیسیا جۆکۆ ویدۆدۆ رێككه‌فتن ب گرنگ دا زانین.
ویدۆدۆ پشتى ئیمزاكرنا 10 رێككه‌فتنان ل كۆچكا بۆگۆر ل جاكارتا یا پایته‌خت گۆت: ئه‌و هیڤیداره قه‌باره‌یێ بازرگانى د دناڤبه‌را ئه‌ندونیسیا و ئیرانێ دا زێده ببیت.
ل گۆره‌ى وه‌زاره‌تا بازرگانیا ئیرانێ ب ڤێ رێككه‌فتنا هاتیه كرن، دێ ئه‌ندونیسیا شێت گه‌هته بازارێن ئیرانێ ب تایبه‌تى بۆ هنارتنا رۆنێ روه‌كى، كاكاوێ، قه‌هوێ و تویتنێ.
ژ لایێ خۆڤه سه‌رۆك كۆمارێ ئیرانێ د ئێكه‌مین گه‌شتا خۆ دا بۆ ئه‌ندونیسیا راگه‌هاند، سزا و گه‌ف رێكێ ل وان ناگرن په‌یوه‌ندیێن خۆ دگه‌ل وه‌لاتێن ده‌ردۆر خۆش بكه‌ن.
ئیبراهیم ره‌ئیسى گۆت ژى، ئارمانجا هه‌ر دو وه‌لاتان ئه‌وه قه‌باره‌یێ بازرگانیێ دناڤبه‌را خۆ دا سالانه بۆ 20 ملیار دۆلاران زێده بكه‌ن كو د نها دا بتنێ 250 ملیۆن دۆلاران.
Comments are closed, but trackbacks and pingbacks are open.