▪ وەرزێ کرنا گەنگرا دەستپێکریە

بێوارحسێن زێباری ــ هەولێر :

دەڤەرێن هەرێما کوردستانێ یێ زەنگینە ب دەرامەتێ خوە یێ هشک، جونکی دەڤەرێن دەشت و چیایی ژی یێن باش هەنە و ئەڤە ژی بوویە ئەگەرێ هندێ کو ئەڤ متایە ژی بوویە ئێک ژ داهاتێن رۆژێ یێن گرنگ بۆ ژیانێ .
کرم یونس، ئێکە ژ گەنجێن دەڤەرێ دا خویاکرن: دگەل هاتنا هەر وەرزەکێ ل دەڤەرێ خەلک سەرەدانا ئاقاری دکەن بۆ دەستڤە ئینانا متایەکێ بۆ ژیانا خوە هەم بۆ فرۆتنێ هەم ژی بۆ خارنێ بکارئینن .
گەنگر ، دەڤەر بۆ دەڤەرەکا دیتر جوداهیەک هەیە ژ روویێ جوان و قەبارێ خوە و هەتا تام و چێژەک جوداهی ژی هەیە لەوما گەنگرا چیایی و کوێستانان جوداهیەک وەها هەیە و دەربارێ بهایێ ژی زێدەتر گوت ، وەکی مە دەستپیکێ گوتی و ئاماژە دایە جۆرێ وێ بها ژی جوداهیی هەیە ل دەڤەرێ و سال بو سال ژی کو دگەل بازاڕێ رۆژێ یە کۆ ئەڤ سالە ١٢ هزارا نەهاتیە خوارێ و پتر دهێتە فرۆتن .
مزگین زێباری ، ئێکە ژ بکرێن متایێ ل سنۆرێ ناحیا دینارتە دا ئەشکرا کرن: ئەڤە چەندین سالە ئەم کارێ کرین و وفرۆتنا متایێ دکەن ل دەڤەرێ ،
ئەڤ متاتە ژی سال بو سال و گوند بۆ گوند جوداهییەک هەیە و ئەم فێر بووی ژی هەتا متایی هەر گوندەکێ چ تری و سماق و مازی و گەنگر و هەر تشتەک دیتر بیت پتریا وان دزانین کانێ کیژ گوندیە و ژ روویێ جۆر و بهایێ وێ ژی ئەم دزانین و گوتژی ، سالانە ئەگەر چ روودان یان هشکە سالی و کارتێکرنا سروشتی نەبیت بەرهەمەک باش دهێتە ئینان لدەڤەرێ .
ل گورەی بهایێ وی ژی بکری زێدەتر گوت ، راستە ئەم کارێ کرین و فروتنا وان دکەین و کو وەک کار ئاسانکاریەک بو خەلکی دکەین کو ئەو بەرهەمێ خوە ببەن بۆ ئاکرێ و دهۆک هەر لێرە لێ دکرین و هەتا زۆر جارا دچینە گوندان یان جهێن دیتر بۆ کرینی و سال و سالێ ژی جوداهییەک هەیە و ئەڤ سالە ژی بهایەک باش هەیە لێ گورەی جۆرێ جوان دمینیت لێ هەتا نوکە ١٠ کێمتر نەهاتیە دبیت هندەک باش نەبیت لێ یا باش هەتا ٣٠ و پتر ژی بچیت .