ناجح بێجانی ـ هولەندا
ب واتەکا دیتر گەلۆ قەدەرا کوردانە ئەو دەڤەریێن ئاکنجیبونا وان هەر تم بوونە جهێ ململانا دەولەتێین زلهێز براستی ئەم بووینە ئاریشە ل ڤێ دەڤەرێ یاکۆ دبێژنێ ڕۆژ هەلاتا ناڤین ئانکودابەشبوونا کوردان بو چوار پارچا ژلایێ سیاسی وجیۆپۆلتیک ڤە کا ئەڤە چەند یا راستە و ئەگەرین بهێجەتا وێ چەندێ بووینە جهێ مەترسیێ بو دەولەتێن هەڤسۆیێن مە لەوما بەردەوام تۆشی ئاریشەو نەهامەتیا دبن و گەلەک پسێاریێن دیتر،جارێ ئەگەر ئەم خوە ب خاپینن ب رێیا دیمۆکراسیەتێ بگەهێن وێ ئارمانجا مە بڤێت هێشتا عەقلیەتا ئێکدو قەبیلکرنێ نە گەهشتە ئاستێ پێدڤی ، جاران دەلیڤە بومە هاتیە پێش لێ ژبەر ناکۆکێن نافخوەیی وەکو پێدڤی مە نەشیایە د بەرژەوەندیا گەلێ کوردستانێ دا ئێکلابکن بەری نوکەژی هەمی وەختا مە دیرۆک گونەهبار دکر دگۆت چەرخ وفەلەک بەرۆڤاژی حەز وڤیانا کوردان بوویە،ئەم ڤەگەرن دیرۆکێ چەند شانازیێ بخوە دکن دەمێ دبێژن ئەم( ئاری -کاردۆخی -میدی ) نە، مە شیایە بدورستاهی ئەڤی ناسناڤی وەکو شانازی لخوە بکن و ئەو میرگەهێن کوردان دورستکرن پاشی ئێک ل دویف ئێک ژ ناڤ چوون ژ بەر شەرۆ ئالوزیێن دنافبەرا بنەمالا دا سەر دەستهەلاتێ لڤێرێ خوەیایە خالەکا کێماسیێ یەدڤیا مرۆڤ سەر راوستیت ، بوچی ئەف روویدانێن نەخوازیار روویددن لەوما دۆژمنان ژی پێکۆل کرینە ئاگرێ دووبەرەکییێ و بێتفاقیێ خوشکرینە وپشتەڤانیا ئالیەکی کریە دژی یێ بەرامبەر هەتا کو ئەو بەرنامێ وان دارشتی سەر بگرت ،لێ هەتا ئەڤرۆ ژی ئەف نەخۆشیا دووبەرەکییێ یا بەردەوامە ژبەر دنالن و یا بەربەلاڤ بووی دناف خوین و لەشێ مەدا هێشتا مە پەند و عیبرەت ژێ وەرنەگرتن ژبەر هندێ رێیا راست ئێکگرتن و هەڤدوو نە شکێنین ،لێ چما ئێکڕێز نابن گەلۆ مە چی قازنج ژڤێ پەرتەوازیێ کریە چەند باوەری ڤێ گۆتنێ هەیە (دوژمنێ دۆژمنێ من دوستێ من )جارێ ئەڤە شاشی یە کەسێ ب ڕاستگۆیی حەز ژ مە نەکریە ئەگەر هەبیت ژی ژ بو بەرژەوەندیێن خوەیە نە زێدەتر یانژی د کاودانەکێ لاواز بوونێ دا ینە کورد ب گشتی زیکا باوەریێ ددنە کەسێن بەرامبەری خوە دگەل وان سەر لێڤان دگرنیژین ودناخێ خوەدا دۆژمنن بێکو کاودانان شروڤەبکن ،ئەوا من دڤێتن پتر سەر راوستم پشتی شەرێ دو یێ جیهانی گەلەک سنۆرو دەولەتێن نوی پەیدا بوون هەتا سالێن چلەیان شۆڕشێن کوردی ژ جوگرافی ودەڤەرەکا تۆخیبدایی بوون ئەڤجار ئەڤە تۆخیب هاتن شکاندن وبەر بەلاڤ بوون بو نموونە کۆمارا کوردستان وەکو دەولەتەکا سەربخۆ هاتیە راگەهاندن وبمخابنی ڤە جارەکا دیتر ژلایێ دەولەتێن زلهێز ڤەوەکو پێدڤی پیشتەڤانی لێ نەهاتەکرن کێمتر ژ ساڵەکێ ژ ناڤ چوو ، پشتی شۆڕشا ئەیلولێ دەستپێکری هەستێ نەتەوەیی رۆلەکێ بەر چاڤ هەبو چونکی هەر چوار پارچەیێن کوردستانێ دەست دانە چەکی بوبەرەڤانیکرنێ ژ ڤێ شۆ ڕشێ د ڕێیا ویدابگەهین هندەک مافێن خوە یێ سەرەتایی ژبەرکو ئەم کەڤنترین مللەتین سەر ڤی ئەردی دژین لێ دیسا جهێ داخێ یە جارەکا دی خیانەتکرن ژ لایێ نافخوەیی ودەولەتان ڤە بهێجەتا پێشتەڤانیێ لێ بەرۆڤاژی داخوازیێن مە تۆشی دەربەدەری ودەردسەریێ بووینە ڤە وئیتفاقیاخیانەتکاریا جەزائیرێ وەک نموونە لێ هێشتا هندەک بەردەوامن سەر خیانەتکرنێ….
Comments are closed, but trackbacks and pingbacks are open.