سه‌رۆكێ رۆسیا ل دۆر بوویه‌رێن ئه‌ڤرۆ یێن رۆسیا و راگه‌هاندنا شه‌ڕى ژلایێ گرۆپا ڤاگنه‌ر یا رۆسى همبه‌ر سوپاى هاته ده‌نگ و د گۆتاره‌كێ دا راگه‌هاند، خه‌نجه‌ر ل پشتا وان هاته دان و گۆت ژى، خائین دێ ب دژوارى هێنه سزادان.
گرۆپا ڤاگنه‌ر ئه‌ڤرۆ ب فه‌رمى شه‌ڕ دژى سوپایێ رۆسیا راگه‌هاند و دیاركر، هژماره‌كا چه‌كدارێن وان 25 هزار كه‌سه و دخوازن رۆسیا ئازاد بكه‌ن ژ ده‌ستهه‌لاتا نها و كونترۆلكرنا باژێری رۆستۆڤ ل باشۆرێ رۆسیا ژى راگه‌هاند.
به‌رى ده‌مه‌كێ كێم سه‌رۆكێ رۆسیا ڤلادیمیر پۆتین ژى ل دۆر رویدانێن ئه‌ڤرۆ یێن رۆسیا د گۆتاره‌كێ دا ره‌وشا نه ئاسایی بۆ روى ب روی بوونا تیرۆری ل موسكۆیا پایته‌خت راگه‌هاند و دیاركر ،ئه‌ڤا روى دده‌ت ڤارێبوون و خه‌یانه ل وه‌لاتى، گۆت ژى، ئه‌وێن ڤارێبووین كو مه‌ره‌ما وى گرۆپا چه‌كدارى ڤاگنه‌ره خه‌نجه‌ر ل پشتا مه دایه.
پۆتینى دوپاتكر ژى، ئه‌و دێ به‌رهنگارى وان خه‌یانه‌‌تكاران بن یێن بۆ به‌رژه‌وه‌ندیێن خۆ ڤارێبوونا سه‌ربازى ئه‌نجامداین.
Comments are closed, but trackbacks and pingbacks are open.