بێوارحسێن زێباری
هند تاخێن باژێرڤانییا ئاکرێ مەترسیا هەرڤینێ لسەر هەیە و خەلکێ وان تاخان داخاز دکەن پتر خزمەت بێنە کرن و سەرۆکێ باژێرڤانیێ ژی دبێژیت; هەول و بزاڤێن مە بەردەوامن بۆ تاخێن کەڤنار.
ئەیاد سالح ژی ئێکە ژ خەلکێ سەنتەرێ ئاکرێ دا ئەشکرا کرن، باژێرێ ئاکرێ تایبەت تاخێن کەڤن کۆ خەلکەکێ زۆر یێن گەشتیار و سەردانکەر سەرەدانا بەر دەگەهێ قشلێ و سەری گری و جهێن گەڤنار دکەن، ئەم ژی داخاز کەین پتر خزمەتا خلکی و ڤان تاخان بهێیە کرن .
بلند رەزا زێباری سەرۆکێ باژێرڤانیا ئاکرێ بۆ ماڵپەڕێ زێ بادینان گوت; داخازەک ب رێیا وەزارەتا باژێرڤانیێ بو ئەنجومەنێ وەزیران هاتییە هنارتن بۆ پتر خزمەتکرنا باژێرڤانیا ئاکرێ و هەول و بزاڤێن مە ژی بەردەوامن لسەر باژێری.
سەرۆکێ باژێرڤانییا ئاکرێ گوتژی; ل سالا ٢٠١٠ برەکێ پارەی هاتە مەزاختن بۆ هندێ وەک هەدیە بهێتە دان و هەر دەڤەرەک هندەک خانی بهێن نوژەنکرن و دیڤ هند رێنمایان بوو یێن شینەواری دڤێت ل گورەی وان رێنمایان کار لسەر بهێنە کرن .
بلند گوتژی کۆ بۆ ڤان خانییان ژی ل سالا ٢٠١١ و ٢٠١٢ ێ دگەل ٢٠١٣ ژی برە پارەک هاتە دانان کو گەهشتنە ٦٥٠ ملیۆنان ئەو پارە و زێدەتر ژی گوت: پشتی سالا ٢٠١٣ێ هاتە ڕاگرتن ئەڤ پارە .
هەروەسا سەرۆکێ باژێرڤانیێی گوتژی; نوکە هەول و بزاڤێن وان ئەوە کو هەر کەسەکێ خانیێ خۆ خراب بکەت و نوی بکەت دێ ل گورەی وان رێنمایان بیت دکارین وان خانییان پارێزن و لێ دبیت د هەبوونا قەیرانان دبیت نەشیا بین هند هاریکاری وەک بەردەوامبن .
داوی گوتژی کو چەندین جارا ژی داخاز هاتیە کرن ژلایی مە بەلێ وەکی مە گوتی قەیرانە و بەلێ بەردەوامبوونە سەر پلانێن خۆ بو دەڤەرێ و لێ هێژ چو بەرسڤەک نەبوویە.
Comments are closed, but trackbacks and pingbacks are open.