وەلید محەمەد
سەرپەرشتیارێ پەروەردەیی
ئێکە ژ گرنگترین رێکێن وانە گوتنێ ئەڤ رێکە ڤەدگەریت بۆ فەیلەسوفێ یونانی سوقراتی، کو ئێکەم کەس بوو ئەڤ رێکە بکارئینای، ئەڤ رێکە بریتیە ل دانوستاندنا ئارمانجدار و ئەرێنی دناڤبەرا قوتابیان ب رێکا پرسیارێ دانوستاندن دەربارەی بابەتەکی دروست دبیت.
ئارمانجێن ڤێ رێکێ بریتینە ل:
١ـ ھزرکرن.
٢ـ گەشەپێدانا کارامەییا زارەکی.
٣ـ پێدانا باوەریێ و بوێریێ ب قوتابی و نەمانا شەرمینیێ.
٤ـ گوھرینا زانیاریان و مفا لێ ئێک و دوو وەرگرتن.
٥ـ بدەستڤەئینانا ھزر و زانیاریێن نوێ.
٦ـ فێربوون و تێگەھشتن و چەسپاندنا زانیاریان.
رێکخستنا ڤێ رێکێ بریتیە ل:
دیارکرنا بابەتێ دانوستاندنێ ، شلوڤەکرنا بابەتی ب رێکا دروستکرنا پرسیارەکێ و دیڤدا بەرچاڤ وەرگرتنا جھێ گونجای و دەمێ پێتڤی ل دوماھیێ ئەنجامگیری.
شێوازێن ڤێ رێکێ ئەڤەنە:
١ـ دانوستاندن و ئامادەبێژی: دڤێرەدا گڤاشتن ل سەر پرسیار و بەرسڤێ دھێتە ڤەکرن و قوتابی بەرەڤ ھزرکرنەکا سەربەخو دبەت، ماموستا ب ئارمانجا ڤەگێرانا زانیاریان کو قوتابی ل ماموستایێ خۆ وەرگرتی پرسیاردکەت.
٢ـ گوھرینا ھزر و بوچوونا :
دڤی شێوازەیدا ماموستا پرسیارێ ل قوتابیان دکەت بەلێ بەرسڤ نەیا ئامادەیە و دڤێت قوتابی لدویڤ بەرسڤێ بگەرن و ببینن.
٣ـ گفتوگویا ب کومەڵ:
دڤێرەدا ڕوینشتنا قوتابی ب شێوێ بازنەیی یە ل سەر بابەتەکێ گرنگ کو ماموستای یان قوتابی پێشنیاردکەن و گفتوگویێ لسەر دکەن. دڤێت ل دوماھیێ بگەھنە ئارمانجا وانێ و بەرسڤا گونجایی ببینن نابیت ل سەرە بابەتێ دانوستاندنێ بچنەدەر.
٤ـ سمینار:
ئەڤ شێوازە ژلایێ کومەڵەکا قوتابیان یان چەند قوتابیەکان دھێتە ئەنجامدان، بابەتەکێ دیارکری ئامادە دکەن و لدویڤدا پێشکێشی قوتابیێن دیتر دکەن.
ئەوژی ب رێکا پرسیارکرنێ پشکداریێ دکەن بڤی شێوەی دانوستاندن دناڤبەرا وێ دروست دبیت.
٥ـ دانوستاندنا دناڤبەرا دوو قوتابیان:
ئەڤ شێوازە دناڤبەرا دوو قوتابیاندایە ئێک ژوان پرسیاردکەت و یێ دی بەرسڤ ددەت.
Comments are closed, but trackbacks and pingbacks are open.