عەمار میقداد عەلی
پروسه‌یا په‌روه‌رده و فێرکرنێ ب پروسه‌یه‌کا ئێکجار گرنگ د هێتە دانان دژیانێ دا ٫ جونکی ئه‌ف پروسه‌یه داهاتویا گه‌ل و نیشتیمانی دیار دکه‌ت ٫ ژبه‌ر هندێ ب پروسه‌یه‌کا گه‌له‌ک حه‌ساس دهیته دانان ٫ که‌سانێن فی پروسەی ب رێفه دبەن فێت که‌سانه‌کێن ٫ رۆشه‌نبیر ٫ لێزان ٫ شەهره‌زا ٫ پسپور٫ رێنمایکه‌ر ٫فێرکه‌ر بن٫ هه‌روه‌سا دێشێین بێژین که‌رتێ په‌روه‌رده و فیرکرنێ ل پێشیا که‌رتێن ( ئابوری و ته‌ندروستی و بازرگانی و ئه‌ندازیاری …) دهێته دانان .
ئه‌گه‌ر رێکخستنه‌کێ ب ده‌ینه فی جه‌مکی دێ بینین کۆ٫ په‌روه‌رده یا ل پێشیا خاندنێ و خاندنژیک یا ل پێشیا هه‌رکه‌رته‌کێ دی . ئه‌گه‌ر ئه‌م ته‌ماشای چه‌مکێ فی پروسه‌ی بکه‌ین په‌روه‌رده ئینجا فێرکرن.
په‌روه‌رده جیه ..؟ : په‌روه‌رده سه‌نته‌ر و خالا سه‌ره‌کیا گورانکاریانه و ب ئێک ژ پروسەیێن هه‌ره گرنگ و هه‌ستیارێت کومه‌لگه‌هێ دهێته دانان ٫وهەروەسا پێشکه‌فتنا وه‌لاتی د هه‌می بواراندا ٫ یا گرێدایه ب پروسه‌یا په‌روه‌رده‌کرنێ فه ٫ دشێین بێژین په‌روه‌رده کرن یانی ئاماده‌کرنا مروفی ژبو ژیانێ .
فێرکرن جیه.. .؟ :دفێرێ دا د پێناسه‌کرنا په‌روه‌ردێ دا دێ پێناسه‌یا فێرکرنێژی ئێخینه به‌رجاڤ، جونکی ئه‌فان دوو چه‌مکان په‌یوه‌ندیا پێکفه هه‌ی ٫ فێرکرن په‌یوه‌ندیه‌که دنافبه‌را ماموستا و قوتابی دا ٫ فێرکرن پروسه‌یه‌کا رێکخستی و ئامانج داره ٫ به‌شه‌که ژ په‌روه‌ردێ٫ بێگومان که‌رتێ په‌روه‌رده و فێرکرنێ وه‌کی هه‌رکه‌رت و زانسته‌کێ دی پێتفی ب گه‌شه‌و به‌ره‌فپێشچۆنێ هه‌یه . گه‌شه و به‌ره‌ف پێشچۆن که‌نگی رودده‌ن ..؟و چاوا رودده‌ن ..؟
گه‌شه‌و به‌ره‌ف پێشجونا په‌روه‌رده و فیرکرنێ ل وی ده‌می رودده‌ت ده‌مێ هه‌لسه‌نگاندن دهێنە ئه‌نجام دان ٫ جونکی ب بێ هه‌لسه‌نگاندن دێ که‌رته‌کێ راوستیای بیت و دێ شێین بێژین دێ که‌رته‌کێ نیف مری بیت ٫ جونکی بێ هه‌لسه‌نگاندن نزانین ٫ ئه‌رێ ئه‌ف که‌رته ب ئه‌رکێ خو رابیه ..؟ ئه‌رێ ئامانجاوی جیه ..؟ ئه‌رێ ئامانجاوی پێکایه….؟ ئه‌رێ مه‌به‌ستا وی گه‌هشتییه … ؟ ئه‌فه و جه‌ندین بسیارێن دی ٫ برێکا هه‌لسه‌نگاندن و به‌راورد کرنێ ٫ ب ده‌ست ڤە دهێن.
بو رونکرنا فێ جه‌ندێژی ده‌رباره‌ی په‌روه‌ردێ و ره‌وشتێ جان ( علی عیززه‌ت بیکوفیج ) دبێژیت :هه‌موو بهێزبونەک دڤی گەردۆنیدا ب هەبونا ره‌وشتی ده‌سپێدکه‌ت ٫ هه‌موو دوراندنه‌کژی ب نه‌مانا ره‌وشتی دوماهی دهێت .
Comments are closed, but trackbacks and pingbacks are open.