هەڤال فندی
دوهی ژبو کارەکی فەر چومە فەرمانگەهەکێ لێ رێڤەبەر ل وێرێ نەبوو و گوتە من دێ گیروبیت دەمژمێرەکادی وەرەڤە من گوتی دێ باشە ..
چەیخانەکا بچیک ب رەخ فەرمانگەهێ بوو من ژی گوتی دێ چم چایەکێ ل وێرێ ڤەخوم و گاڤەکێ خو مژول کەم تاکو دەمژمێر تەمام ببیت و بچم کارێ خو ب دوماهیک بینم .
من چایەکا تەعل ئاڤەکا تەزی داخازکر ژ نشکەکێ ڤە گەنجەکێ تەمنێ وی نیزیکی بیست سالی بوو یێ بەژن بلند و بگرنژیەکا بەرفره سلاڤ کر و ل دەڤ من روینشت و گوتە چایچی کو تەمنێ وی نێزیکی پێنچی سالابوو ، مام چایەکا وەکو تە یا خوش و شرین بومن بینە . پاشی سەحکرەمن و گوتی سەیدا تو یێ چەوانی باشی حالێ تە ئەحوالێ تە ب سەلامەتن ؟!
من ددلێ خودا گوتی ئەڤە چەوا من دناسیت .. ئەڤە کی یە بیرامن لێ ناهێت کو من بەری نها دیتبیت . من هزرا دکر کو چێدبیت کورێن پسمام و کور مەتێن خو کرن چونکی گەنجن بەلکی من ژبیر کربێن یان بیردانکامن یا زەعیف و لاوازبی .. من گوتێ جحێل تو من دناسی .. سەحکرمن و گوت نە خال تەنەناسم .. باشبوو ددلێخودا من گوت .
من گوتە وی گەنجی توو چ دکەی چ ناکەی .. گوتی ئەز قوتابیێ زانکویێ مە ل قوناغا دوویێ مە .. من گوتێ گەلەک باشە دگەل خوندنێ یێ چەوای .. گوتی وەکو رینی ب رێڤەدبم و هەر سال ب پلەیا نایب و زور باش وێ قوناغێ ب دوماهیک دئینم .. من گوتێ سەحەت خوش تو یێ زیرەکی .. کەنی و ب گرنژین ڤە گوتی خال ئەز دئێک دەم دا ل دوو زانکویا دخوینم ئێکا ئەهلی یادی ژی یا حکومی .. من گوتێ ئەڤە چەوا دبیت و چەوا توو ڤێڕا دگەهی .. جارەکادی کەنی و گوتەمن خال تشتەکێ دی ژی بوتە بێژم .. کەرەمکە .. گوتی ئەز ل فەرمانگەهەکا حکومی ژی وەک فەرمانبەرەکێ گرێبەست کار دکەم ؟!!!
چەوا توو فەرمانبەری و ل دوو زانکویا دخوینی نێ مەژی قەبول ناکەت .
جارەکادی کەنی گوتی بخودێ خال ئەز ڤان کارا و دەوامێ ب ئاسانی ب رێڤە دبم .. من ژی گوتێ چەوا ب ئاسانی .. گوت هەمیێ ب مەلاقیێ برێڤەدبم .. ب مەلاقیێ ؟! .. بەلێ ب مەلاقیێ برێڤەدبم چەندا خوشە .. گوتی ل دەوامێ دگەل رێڤەبەر و فەرمانبەرا و مێهڤانان و مراجعا ژی کەس وەکو من یێ خوشتڤی نینە دەڤ وان و هەمی ب مەلاقیێ .هەر وەسا ل هەردوو کولیژا کەس شتی من نینە کو مەلاقیێ ژبو ماموستا و دکتور و رێیس قسما و راگرێ خو بکەت .. هەر وەسا هەمی قوتابی حەز ژمن دکەن و هاریکاریا من دکەن چونکی بو هەمیا ملاقیێ دکەم وهەر سالا بێ گەلەک خوندن و وەستی یان پلەیێن باش ب دەستخوڤە دئینم .. خال مەلاقی چەند خوش و ب مفایە .
من ژی گوتی دێ پیچەک نەسیحەتا ژێ کەم داکو پیچەک مەلاقیێ دگەل خەلکی کێم بکەت .. لێ وی زی بەسڤامن دا و نەهێلێ ئەز ئاخفتناخو تەمام بکەم .
گوتی خالێ ئازیز ب مەلاقیێ دێ کولیژین خو تەمام کەم و پەلیکا باش ب دەستخوڤە ئینم و گەلەک ژ بەرپرسا و کاربەدەستا سوزا دایەمن کو دەما ل خوندنێ تەمام دبم ل جهەکێ باش دێ من تەعین کەن کو نیزیکی وان بم و ب دەها خودان کومپانیا سوزا دایەمن کو ئێڤاریا ل دەڤ وان کار بکەم ومن پتر ژ دەهه دەزگرێن دەولەمەند ژی هەنە کو هەمی هەیڤێ هاریکاریا دەراڤی ژ مرا دکەن روحا هەمیا ئەزم ههههههه .
گوتی خال تەدڤێت ئەز مەلقیێ نەکەم ؟! .. من ژی گوتی بەلێ .. گوتی پرانیا مدیر ب مەلاقیێ ئەو کورسی ب دەستخوڤە ئیناینە و پرانیا بەرپرسا ب مەلاقیێ ئەو پوست یێ وەرگرتی و ژ سەری هەتا بنی ب مەلاقیێ جهێ خو کریە و سنگێن خو ب ئەردی چقاندینە . ڤێچا خالێ من ئەزیز ببورە دێ دوماهیک ئاخفتن بوتە کەم .. من ژی گوتێ کەرەم کە..
گوتی … ئەڤ سەردەمە سەردەمێ مەلاقایە ئەگەر مروڤ وەنەکەت دێ شین خو زڤریت و زڤریت تاکو ب کەڤیت و چ ب دەستخوڤە نائینیت زەمان هوسا لێ هاتیە .
تە چ شول نینە خاڵ ..
براستی ددلێخودا من گەلەک شول پئ هەبوو لێ دگەل مەلاقا یابزحمەتە .. نە لاوو تەمن درێژبی و موفق بی و حقێ چایامن ژی واسل کر .
Comments are closed, but trackbacks and pingbacks are open.