زیاد عەبدولکەریم سلێڤانەی
ئــــەڤـــــــرۆ، ل ڕێکەفتی ٢٨ ێ تەباخا ٢٠٢٣، شانۆگەرییەک ژ لایێ چەندین گەنجێن بەهرەمەندێن بەشێ شانۆسینەمایی ب مێهڤاندارییا زانکۆیا دهۆک،
شانۆگەریا ل ژێر ناڤونیشانێ(دەروێش یان گودۆ) ل ڕێڤەبەرییا ڕەوشەنبیری و هونەری زاخۆ هاتە نەمایشکرن.
چــــەنــــدیـــن پەیام، ڕەخنەیێن خۆجهـ د ئەڤێ شانۆگەریێیدا ل گەل چەندین ڕەخنەیێن ڤەشارتی یێن سیاسی ژی هەبوون. دەستپێکرنا ئەڤێ نمایشێ، ل دەمێ کەسەك ب جلوبەرگێن سپی و کەسێ دی ب جلوبەرگێن ڕەش، قەستا دەپێ شانۆیێ کرین. دهەر مێشکەکێدا دیتنەک هەبوو. ب دیتنا من، پەیاما هاتنا ئەوان یا دەستپێکێ ل گەل کرنا چەند گۆتن و لڤینان وەسا دیاربوو کو کەسێ ب جلوبەرگێن سپی خودا پەرست بوو، یێ ڕەش ژی خودا پەرست نەبوو. هەروەسا دویرکەڤتن ژ بابەتێ خۆ، کەسێ ب جلوبەرگێن ڕەش ب هەلگرتنا چەکی ل بەرامبەر کەسێ ب جلوبەرگێن سپی د گۆتنەکا خۆدا دگۆت ”زمانێ تە یێ شرین، زمان پیسە” کو هوسا دهاتە دەربڕین زمانێ شرین ئەو چەکێ د دەستێن ئەویدایە.
یێن کو ب سەدان کەس پێ هاتینە کوشتن، لێ ئەو زمانێ ئەوان یێ شرینە. ب دیتنا من، دژمنگەری ب ئەڤێ گۆتنێ ل بەرامبەر خۆ دەردبڕیت کو ئەو زمانێ هوین پێ دئاخڤن یێ پیسە. دوو کەسێن دی ل دەپێ شانۆیێ زێدە بوون.
لایێ ڕاستێ ب دیتنا چاڤان فریشتە بوو و لایێ چەپێ ئبلیس بوو. ل دۆر ئەوی کەسێ دزڤڕین.
ئبلیسی پێکۆلا کوشتنا ئەوی کەسی دکر یێ ل بەرامبەر چەکی ڕاوەستیای و فریشتەی ب گۆتنێن خۆ یێن شرین
پێکۆلا ڕاوەستاندن و ئارامبوونا ئەوی دکر، لێ دووماهییێ بێی چارە بوو و گوللەیەك بەردا کەسێ بەرامبەر و هاتە کوشتن. ب ئەوی چەکێ زمان شرین ڕێشت خوین بۆ ئاخ. هەروەسا ئەو ڕەخنەیێن ئاماژە پێ هاتینەدان ب دیتنا من پەیام ژێ ئەڤە بوو. بۆچی ئەم تێکستێن بیانی …. دگەڕین و دهێن ل سەر بەرپەڕان و دەپێن شانۆیان وەردگێڕین ژ زمانێ بیانی بۆ زمانێ دایکێ. ب ئەڤی شێوەی هندەك کەس هەنە دئەوێ تێکستێ ناگەهن، ئەری بۆچی ئەم ڕانابین چەندین سەربوور ژ فۆلکلۆرییا کوردینییێ ئەوێن د سەر هندا ل سەر دەپێن شانۆ و بەرپەڕان زیندی ب زمانێ دایکێ ب هێتە نڤیسین. هەروەسا پەیامەک ب ڕۆخسار و دەڤێ گڕنژینڤە هاتە گۆتن کو ئەم ب خوازخوازۆکی دهێنە ل سەر دەپێ شانۆیێ. ل دەمێ ئەم هەوە دبینن و هوین پشتەڤانن ئەم دبێژین هۆلا شانۆیێ یا تژییە، لێ ئەو ب خۆ یا تژی نینە. ئەم ب دەست لێدانێن هەوە ماندیبوون و خوازخوازۆکییێ هەمییێ ژبیردکەین.
دارەك هاتە سەر دەپێ شانۆیێ ئەو دار یا بەروڤاژی بوو. ب بەروڤاژی بوونا ئەوێ دارێ کو ژیان وەکی ئەڤێ دارێ یا بەروڤاژی بووی. زڤڕین ل دۆر دارێ، هەردوو دەستێن خۆ ل ملێن خۆ ددان و ل گەل زڤڕینا خۆ بەردەوام بوون.
ب لاڤا و خۆزیێن ئەوان ژبۆ بچویک و مەزنان، ژ ئەوێ دارێ ڕادهێلان.
ل گەل قوتانا دەهۆلەکێ هەر لێدانەك هاتە ژبیرکرن هەر تشت ب هاتنا چەند پارچەیێن قوماشی ب هەلاوستن ب ئەوێ دارا بەروڤاژی. ل گەل هاتنا کەسەکێ ب جل و زمانێ بیانی دئاخڤت و وەریسەک ل دۆر گەورییا کەسێ ل سەر چوکان خۆ خشاند بوو. ئەو کەسێ وەریس ل بەر حەفکێ ….
پشتی هاتنا ئەوان بەروڤاژی چێبوو ئەو کەسێ وەریس ل بەر حەفکا ئەوی ل گەل ئەو کەسێ ب جلین بیانی هاتە گوهۆڕین. ئەو کەسێ جلێن بیانی د بەردا، ل گەل لێدانا دەهۆلێ، هەر کەس ب لڤینێن سەمایێ ل گەل ئێک ڕابوون. ئانکو ل گەل لێدانا دەهۆلێ هەمی بیانی خۆ ل گەل ئەوان دهەلاڤێژن.
ب دیتنا من، خزمەتکرنا شانۆیێ یا نڤستی بوو، لێ ئەڤە بو دەمەکە دبینم هێدی هێدی یا دووبارە هشیار دکەن. خزمەتکرن ژ بۆ دهێتە کرن. ئەڤ گەنجێن خودان شیان ب وێرەکی دهێن ڕۆلێن خۆ ب هێز و ب ئازادیانە نمایش دکەن. پێدڤییە ئەم دووبارە ئاستێ شانۆیێ ل هەر دەڤەرەکێ ب پشتەڤانی و پشگێرییا خۆ بلند بکەین و بەرەڤ ئاستەکێ باش ببەین. ب ڕاستی ژی ئەو شانۆیا ئەڤرۆ ل هۆلا ڕێڤەبەرییا هونەرییا زاخۆ هاتییە پێشکێشکرن ئەز ئێک ژ بەژداربوویان بووم. د هەر دەمەکێدا کەنی؟ کەیفخۆشی و خەمەکا ب گڕنژین دئافراند.
دەستخۆشییەکا تایبەت ژ بۆ دەرهێنەر، نڤیسەر و هەر ئەندامەکێ هاریکار بۆ ڕێکخستنا ئەڤێ شانۆیێ. دیسان دخوازین بەردەوام شانۆ بهێنە پێشکێکرن و ژ بۆ خزمەتکرن و پشتەڤانیکرنێ ئەز وەکی گەنجەک هەردەم ئامادەمە.
Comments are closed, but trackbacks and pingbacks are open.