زیاد عەبدولکەریم سلێڤانەی
ئەگەر ئەم بهێین و تەماشەی هندەک کاران بکەین. بۆ نموونە، ئێک ژ ئەوان کاران وێنەگرتن و فۆتۆگرافەری. ب تنێ ڕەگەزێ نێر ب ڕێژەیەکا زێدە ب ئەڤی کاری ڕادبن و ڕەگەزێ مێ ب ڕێژەیەکا گەلەک گەلەک کێم حەزا ئەڤی کاری هەیە، لێ ئەڤرۆ ئەز ب کەسایەتییەکێ مەندەهۆشم کو ژ هەژی پشتەڤانی، ڕەنگ و دەنگڤەدانێیە ژبۆ بهێتە کرن. خەمخۆر، کارکرن، پێشڤەبرن و بەردەوام بوون ل سەر حەز و کارێ ئەو تێدا شارەزا و هەمی دەمان پێکۆلا جوداهییێ دکەت د کارێ خۆدا. ئەو ژی کچەکا باژێڕێ، ئاکنجییا زاخۆ ب ناڤێ (سۆزان باپیر) کو د چاڤپێکەڤتنا من و ئەوێ کەسا خودان شیاندا.
چەندین پرسیار و بەرسڤ هەبوون.
ب شێوەیەکێ فەرمی (سۆزان پابیر) ێ، ل سالا ٢٠١٩ ێ دەست ب کارێ وێنەگرییێ کرییە. هەروەسا حەزا ئەوێ هەر ل بەر کەنالێن تیڤییێ ژبۆ دیتنا دیمەنێن جوان و سەرجڕاکێش، ئەوێ ئەڤ گۆتنە ئارەستەی خۆ دکر و دگۆت ”ئەز ژی دشێم ب ئەڤی کاری ڕاببم. وێنەیێن جوان و بالکێش بگرم”. چیرۆکێن کورت هەنە، ب دەستپێکرنا کارێ (سۆزان باپیر) ێ.
ل دەمێ برایێ ئەوێ کامیرەیەك ژبۆ خۆ هیناتیکو ئەوی ژی حەز ل سەر وێنەگرتنێ هەبوو. ئەوێ هندەک جاران دەستددا ئەوێ کامیرەیێ، پێکۆلا گرتنا وێنەیان دکر و وێنە دگرتن، لێ گەلەک پێزانین و شارەزای د ئەوی کاریدا نەبوو. ڕۆژ بۆ ڕۆژی کارکرن، دەستپێکرن و ل پێزانین ل دۆر خۆ کۆمکرن ب ڕێکا مۆبایلێ (سۆزان باپیر) ێ، دەستپێکر و ڕانەوەستیا هەتا گەهشتییە ئارمانجا خۆ. شیا پێدڤییاتییێن وێنەگرتنێ ب دەستخۆڤە بهینیت. حەزژێکرنا ئەوێ ژ بۆ ئەڤی کارێ وێنەگرییێ هەر ژ دیتنا وێنەیێن سروشتی. هەروەسا ژلایێ خێزانێڤە کو گەلەک ل گەل هاریکار بووینە هەتا د دووماهیك دەمێ نوکەدا هەر پشتگری و مەزنترین پشتەڤانن. هەر وەسا (سۆزان باپیر) د بێژیت “ ب خۆشحالیڤە، وێنەگرێن زاخۆ ژبۆ کارێ ئەز دکەم هەردەم گەلەک پشتەڤانن و ژبۆ من هاریکار بووینە.”
هەروەسا (سۆزان باپیر) ێ، بەژداری د چەندین خۆلێن وێنەگرییێدا کرییە. هەتا نوکە دبێژیت ”چەند خۆلێن گرێدای ب وێنەگرتن و فۆتۆگرافەریێڤە هەبیت ئەز دێ بەژداربم”
کچەکا خەمخۆرە د کارێ خۆدا. ڕۆژانە دویفچوونا کارێ خۆ دکەت ژبۆ پتر پێشڤەبرنا کارێ خۆ ب شێوەیەکێ جودا. وەکی من ئاماژە پێدای ئەوێ گەلەک حەزا گرتنا وێنەیێن سروشتی هەیە.
(سۆزان باپیر) د چەندین بەریکانە و پێشانگەهـێن ناڤدەولەتیدا بەژداری بوویە. هەروەسا چاڤدێریا قەزا ناڤەندییا زاخۆ، ڕێڤەبریا پەرتووکخانەیا گشتی یا زاخۆ ب ڕیکا گرۆپێ ڕەوشەنبیری پێشانگەهەکا تایبەت یا وێنەگرییێ ژبۆ ٢٠ وێنەیێن جوان و سەرجڕاکێش تێدا هاتنە پێشاندان.
(سۆزان باپیر) دبێژیت ”من گەلەک پڕۆژە د هزرێن خۆدا ئاڤاکرینە ژبۆ پاشەڕۆژا خۆ. حەزدکەم وێنەگری ب تنێ ژ بۆ ڕەگەزێ نێر نەهێتە دان. دخوازم کچێن خودان شیان ئەوێن کو حەزا کارێ وێنەگرییێ هەی، بهێنە پێش و پشتەڤان و هاریکاری ژبۆ ئەوان هەبیت. پتر بهێن و جهێ خۆ د ئەڤی کاریدا ببینن”
(سۆزان باپیر) ب نهینی هزر و پڕۆژەیێن خۆ هەلگرتینە، ژبەرکو نهینییا کارکرنێ بەرەڤ سەرکەڤتن و دەستکەڤتێن باش دچیت.
ب دیتنا من، ئاستێ گرۆپێن وێنەگران، ستۆدیۆ و کۆمپانییان ب گشتی بەرەڤ زێدەبوونێڤە دچیت، لێ هەتا نوکە سەنتەرەک یان ژی جهەك نینە خۆ ل ئەڤان گەنجان بکەن خودان. گەلەک گەنج هەنە حەزا ئەوان ل سەر ئەڤێ کارێ وێنەگرییێیە، لێ چ جهـ نینە و سەربخۆ کار دکەن، داکو پتر بشێن کارێن خۆ بەرەڤ پێشڤە ببەن. هەروەسا گەلەک هەنە حەزەکا زێدە ژ بۆ ئەڤی کاری یا هەی، لێ دەستبەردانا ئەوان ژبۆ هندێ چ جهەک و سەنتەرەکێ حکومی هاریکارییا ئەوان بکەن و ببنە پشتگێر و پشتەڤان، داکو بشێن ل سەر کارێ خۆ بەردەوامببن. هەر وەسا ژ بۆ ئەوان کەسان، ئەوان ئافرەتێن کو حەزا کارێ وێنەگرییێ هەین بلا ئەڤ کچا خودان شیان (سۆزان باپیر) بێی هاریکارییا گرۆپ، کۆمپانی و ستۆدیۆیان یا بەردەوامە ل سەر ڕێکا ئارمانجا خۆ کو هوین ژی بهێن و ئازادیانە و سەربخۆ کارێ خۆ بکەن و بشێن خۆ د ئەڤی کاریدا ببینن. دەستخۆشییەکا تایبەت ژبۆ (سۆزان باپیر) ێ، وەک کچەکا ئاکنجییا باژێڕێ زاخۆ دشێت ب ئەڤی کاری ڕابیت. بێی هەر لایەنەکێ هاریکار و پڕۆژە و هزر بیرێن جودا ئافراندینە ژبۆ پاشەڕۆژێ، (سۆزان باپیر) چریسکەکا ڕۆناهیێیە، لێ ڕۆژ بۆ ڕۆژی یا پێکۆلا پتر ڕۆنبوون و دیاربوون د کارێ خۆدا و جودابوونا خۆ دیار دکەت.
گەنج چریسکە،
لێ ڕۆناهییەکا ڕۆن ژێ دباریت.
Comments are closed, but trackbacks and pingbacks are open.